लुम्बिनीका कपिलवस्तुसहित चार जिल्लामा कुष्ठरोगीको संख्या उच्च

कपिलवस्तु । कपिलवस्तु सहित लुम्बिनी प्रदेशका चार जिल्लामा सबैभन्दा बढी कुष्ठरोगी रहेको पाइएको छ । आइतबार ७१ औँ विश्व कुष्ठरोग दिवस मनाइरहेका बेला यस्तो तथ्याङ्कबारे जानकारी भएको हो ।

लुम्बिनी प्रदेशमा ५ सय ६५ जना बिरामी कुष्ठरोगी रहेका छन् । लुम्बिनी प्रदेश स्वास्थ्य निर्देशनालय, चिकित्सा सेवा तथा रोग नियन्त्रण शाखा प्रमुख खिमलाल पाण्डेका अनुसार यी मध्ये पनि सबैभन्दा बढी प्रदेशका चार जिल्लामा कुष्ठरोगीको संख्या उच्च रहेको छ । प्रदेशका रुपन्देही, कपिलवस्तु, पश्चिम नवलपरासी र बाँके जिल्लामा कुष्ठरोगीको संख्या उच्च रहेको उनले बताए । सबै जिल्लामा छालारोग विशेषज्ञ पठाउन नसक्दा कुष्ठ रोगका बिरामीको पहिचान गर्न समेत नसकिएको उनको भनाइ छ ।

अहिले पनि यो रोगको बारेमा समाजमा नकारात्मक धारणा रहेकाले त्यस्ता धारणलाई हटाउनु आवश्यक रहेको उनले बताए । समयमै उपचार भएको खण्डमा उक्त रोग निको हुने भएकाले बिरामीलाई हौसला दिन आवश्यक रहेको उनले बताए ।

109