दोस्रो मोतिपुर फुलबारी कपमा पहिलो चरणका खेल सकिए

कपिलवस्तु । कपिलवस्तुको बाणगंगा ७ मोतिपुरमा जारी दोस्रो फुलबारी कप फुटबलमा आज देखि पहिलो चरणका खेल सकिएका छन् ।

आज भएको पहिलो राउण्डको अन्तिम खेलमा गौतमबुद्ध सामाजिक विकास केन्द्र रुपन्देहीलाई ३–२ गोलले हराउँदै जागृति युथ क्लव चन्द्रौटा कपिलवस्तु विजयी भएको छ ।

अब भोलि देखि दोस्रो राण्डका खेलहरु सुरु हुने भएका छन् । दोस्रो राउण्डको पहिलो खेल बाणगंगा स्पोर्टश एण्ड वेलफेर र एपीएफ चन्द्रौटाबिच हुने मोतिपुर प्रगतिशिल युवा क्लवका अध्यक्ष शंकरप्रसाद न्यौपानेले जानकारी दिएका छन् । यस्तै न्यौपानेका अनुसार भोली दोस्रो खेल एसएस वाई सि चौवाह र पारिजात पब्लिक स्कूल गोरुसिँगे बिच हुने छ ।

असोज २० देखि जारी प्रतियोगितामा १६ टिम दर्ता भएका थिए । प्रतियोगिताको फाइनल असोज ३० गते हुने छ ।