पाल्पामा डेंगी संक्रमणबाट थप एक पुरुषको मृत्यु

पाल्पा । पाल्पामा डेंगी संक्रमणबाट सोमबार थप एक जनाको मृत्यु भएको छ । मृत्यु हुनेमा पाल्पाको माथागढी गाउँपालिका–१, चिदीपानी बुढीकोटका ३५ वर्षीय पुरुष रहेको स्वास्थ्य कार्यालय पाल्पाले जनाएको छ ।

ती व्यक्तिको तानसनेस्थित युनाइटेड मिसन अस्पतालमा उपचारका क्रममा डेंगी संक्रमणबाट मृत्यु भएको स्वास्थ्य कार्यालय पाल्पाले जनाएको छ । उनलाई असोज ५ गते मिसन अस्पतालमा भर्ना गरिएको थियो । उनलाई डेंगीका साथै स्क्रबटाइफससमेत पोजिटिभ देखिएको स्वास्थ्य कार्यालय पाल्पाका प्रमुख डा. राजेन्द्र गिरीले जानकारी दिए । पाल्पाको मिसन अस्पताल, पाल्पा अस्पताल, लुम्बिनी मेडिकल कलेजमा डेंगीबाट २ सय ६८ जनामा संक्रमित भइसकेको स्वास्थ्य कार्यालय पाल्पाले जनाएको छ ।

स्वास्थ्य कार्यालयको तथ्यांक इबार्स (अर्ली वार्निङ रिपोर्टिङ सिस्टम) का साथै स्थानीय तह, निजी मेडिकल र क्लिनिकबाट लिइएको तथ्यांक भएको स्वास्थ्य कार्यालयले जनाएको छ । डेंगी संक्रमणबाट यसअघि तानसेन नगरपालिका–६, बर्तुङकी ६९ वर्षीया महिला साथै स्याङ्जा गल्याङकी एक बालिकाको तानसेनस्थित युनाइटेड मिसन अस्पतालमै उपचारका क्रममा मृत्यु भएको थियो ।

पाल्पाका प्राथमिक स्वास्थ्य केन्द्र रिब्दीकोट खस्यौली, तानसेन नगरक्षेत्रका विभिन्न निजी मेडिकलमा समेत डेंगी संक्रमण पुष्टि भएका छन् । निजी क्षेत्रका मेडिकल ल्याब र ग्रामीण भेगका प्राथमिक स्वास्थ्य केन्द्र र स्वास्थ्य चौकीका ल्याबमासमेत डेंगी परीक्षण हुने गरेको स्वास्थ्य कार्यालयका ल्याब टेक्निसियन अधिकत मधु भट्टराईले जानकारी दिए ।

जिल्लामा केही समय यता स्क्रबटाइफसका बिरामीसमेत बढेका छन् । स्वास्थ्य कार्यालयका अनुसार अहिलेसम्म १ सय ७० जनालाइ स्क्रबटाइफस पोजिटिभ देखिएको छ ।

137

प्रतिक्रिया

खबर सबै

बिराटनगर बिरुद्ध लुम्बिनी : अन्तिम २ ओभरको नाटकीय ड्रामा, लायन्सको रोमाञ्चक जित !

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU