ललिता निवास प्रकरण : छानविनमा सहयोग गर्न बयान दिने भट्टराईको भनाई

बुटवल । पूर्वप्रधानमन्त्री तथा नेपाल समाजवादी पार्टीका अध्यक्ष डा. बाबुराम भट्टराईले अहिलेसम्मका कतिपय प्रकरण विपक्षीलाई तर्साउने र फसाउने नियतले सत्तापक्षबाटै आउने गरेको भन्दै अहिले पनि त्यस्तो नहुने गरी छानबिन गरे त्यसलाई आफूले पूर्ण सहयोग गर्ने बताएका छन् ।

पार्टीको प्रदेशस्तरीय प्रशिक्षण कार्यक्रममा बुटवल आएका अध्यक्ष भट्टराईले शुक्रबार बुटवलमा पत्रकार सम्मेलन गरेर ललिता निवास प्रकरणमा आफू प्रधानमन्त्री भएको बेला एक निर्णय भएको बताउँदै आफूले बयान दिएर छानबिनलाई सहयोग गर्ने बताएका हुन् ।

उनले ललिता निवास प्रकरण जस्ता अन्य पनि धेरै प्रकरणहरू भएकाले निष्पक्ष र उच्चस्तरीय छानबिन हुनु पर्ने बताए । पूर्वप्रधानमन्त्रीलाई छानबिनको दायरामा ल्याउने अदालतको निर्णयले आफू खुसी नै भएको बताए । उनले आफू प्रधानमन्त्री भएको बेला भएको ललिता निवास जग्गाको निर्णय सानो भएको बताए ।

उनले लाउडा काण्ड, ललिता निवास प्रकरण, क्यान्टोनमेन्ट, अन्य खरिद प्रकरण सबैको छानबिन हुनुपर्ने बताए । उनले आफूले संसद्मा समेत निस्पक्ष छानबिन लागि बोलेको रेकर्ड पनि रहेको बताए ।

194

प्रतिक्रिया

खबर सबै

प्रथम वडा स्तरीय रनिङ कपको उपाधि भर्तापुरले जित्यो, पडरिया २–० ले पराजित

लुम्बिनी प्रदेश सबै

रास्वपा प्रवेश गरेका विजयनगरका उपाध्यक्ष र वडा अध्यक्षको पद रिक्त

साझा अपडेट

MENU