डेंगी रोगका कारण पाल्पामा एक बालिकाको मृत्यु

पाल्पा । पाल्पामा एक बालिकाको डेंगी संक्रमणबाट मृत्यु भएको छ । स्याङजाको वालिङ नगरपालिका–११, आमडाँडा घर भई पाल्पाको तानसनेनस्थित युनाइेट मिसन अस्पतालमा उपचार गराएकी ११ महिनाकी बालिकाको डेंगी संक्रमणबाट मृत्यु भएको हो ।

बालिकाको उपचारका क्रममा मिसन अस्पतालमा बिहिबार मृत्यु भएको हो । मृतक बालिकामा शरीरमा सुख्खापन, झाडाबान्ता लगायत अन्य समस्या देखिएको र डेंगी परीक्षण गर्दा पोजिटिभ पुष्टी भएको जिल्ला स्वास्थ्य कार्यालय पाल्पाका प्रमुख डा. राजेन्द्र गिरीले जानकारी दिए ।

यसअघि तानसेन नगरपालिका–६, बर्तुङकी ६९ वर्षीया महिलाको तानसेनस्थित युनाइटेड मिसन अस्पतालमै उपचारका क्रममा आइतबार बेलुकी मृत्यु भएको थियो ।

यस्तै अहिले सम्म पाल्पामा विभिन्न अस्पतालमा गरी डेंगीबाट ७३ जना संक्रमित भइसकेको स्वास्थ्य कार्यालय पाल्पाले जनाएको छ ।