वर्षेनी बढ्दै छन् आगलागीका घटना

नेपालगञ्ज । नेपालगञ्जमा आगलागीका घटना बर्सेनि बढ्दै गएको छ। नेपालगञ्ज उपमहानगरपालिकाले उपलब्ध गराएको तथ्यांकमा २०७९ मा ८० ठाउँमा आगलागी भएका छन् । त्यसअघि २०७८ मा ६१, २०७७ मा ६८ र २०७६ मा ७४ पटक आगलागी भएको थियो ।

आगलागीका घटना धेरैजसो विद्युत सट भएर भएका छन् । ८० वटामध्ये ३३ वटा घटना विद्युत सट भएर भएको छ।
नेपालगञ्जमा उपमहानगरपालिकामा तीन वटा दमकल छन् । सधैं तीन वटै चालु अवस्थामा रहेको भने बिरलै पाइन्छ। यहाँको दमकलले जिल्लाका अन्य पालिकामात्रै होइन, सीमावर्ती भारतीय बजारमा आगलागी हुँदा पनि सेवा दिने गरेको छ।

पछिल्लो ६ वर्षमा नेपालगञ्जको दमकलले भारतमा ११ पटक सेवा दिएको छ । सीमावर्ती भारतीय बजार रुपैडिहा आसपासमा हुने आगलागीमा नेपालगञ्जको दमकल जाने गरेको छ। जिल्लाभित्रका अन्य पालिकामा नेपालगञ्जसँग जोडिएको डुडुवा गाउँपालिकामा २६ पटक, जानकी गाउँपालिकामा २५ पटक, खजुरा गाउँपालिका र कोहलपुर नगरपालिकामा ९र९ पटक, राप्तीसोनारी गाउँपालिकामा ४ पटक र नरैनापुर गाउँपालिकामा ३ पटक नेपालगञ्जको दमकल पुगेको छ । बाँकेका आधाजसो गाउँपालिकामा आफ्नै दमकल रहेको छ।

नेपालगञ्ज बजारमा भने आगलागी हुँदा दमकल कर्मचारीलाई बढी सास्ती हुने गरेको छ । साँघुरो गल्ली भएकाले दमकल जाने ठाउँ छैनन् भने घनत्व बढी छ । त्यसो त दमकललाई पानी भर्ने समस्या छ।

नेपालगञ्ज उपमहानगरपालिकाले दमकलको दमकल नछिर्ने ठाउँमा छिटो पुग्न मोटरसाइकलको व्यवस्था गर्ने तयारी गरेको प्रमुख प्रशासकीय अधिकृत शिवप्रसाद रिजालले जानकारी दिए । आगलागी भएको ठाउँमा छिटो पुग्ने, मोटरसाइकलमा पाइप लगेर विछ्याउने र जाने ठाउँसम्म दमकल गरेर पानी फाल्ने व्यवस्था गर्दा छिटो आगो निभाउन सकिने रणनीति बनाइएको छ।

127

प्रतिक्रिया

खबर सबै

मोतिपुर प्रगतिशील युवा क्लवको अध्यक्षमा पुनः न्यौपाने निर्वाचित

लुम्बिनी प्रदेश सबै

प्रदेशसभाबाट विश्वासको मत लिने तयारीमा मुख्यमन्त्री आचार्य

साझा अपडेट

MENU