कपिलवस्तुमा आँखा पाक्ने रोगको प्रकोप

राजेन्द्र खनाल, कपिलवस्तु । कपिलवस्तुमा केही दिनदेखि गर्मी बढेसँगै आँखा पाक्ने रोगको प्रकोप बढ्दै गएको छ । मौसम परिवर्तन भएसँगै आँखा पाक्ने रोगको प्रकोप बढेको आँखा रोग विशेषज्ञहरूले बताएका छन् ।

शुरुका दिनमा बिरामीको आँखा रातो हुने, चिलाउने, आँसु बग्ने र घाममा हेर्न नमिल्नेजस्ता लक्ष्ण देखिने गरेको बाणगंगा नगरपालिका स्वास्थ्य शाखाका प्रमुख ठगराज पौडेलले बताउनुभयो । विद्यालय र समुदायमा आँखा पाक्ने तथा आँखा रातो हुने बिरामीको सङ्ख्या बढ्दै गएकाले नगरका सबै वडाका स्वास्थ्य चौकीमा यसको रोकथामका लागि सचेतना फैलाउन र नागरिकलाई आँखाँको संक्रमणबाट बच्ने उपायबारे जानकारी गराउन आग्रह गरिउको उहाँले बताउनुभयो । नगरपालिकाका तर्फबाट तत्काल कुनै अभियान नरहेका कारण आफै सचेत रहन उहाँले आग्रह गर्नुभयो ।

बिरामीको आँखामा सङ्क्रमण बढ्दै जाँदा थप समस्या आउने भएकाले समयमा ध्यान दिन स्वास्थ्यकर्मीहरूले सुझाव दिएका छन् । आँखा पाक्ने रोगबाट बढी विद्यार्थी र शिक्षक प्रभावित भएका छन् । बर्खाको समयमा सक्रिय हुने एडिनो भाइरस हावामा लामो समयसम्म बाँच्ने भएकाले आँखा पाक्ने रोगको सङ्क्रमण बढी हुने विज्ञहरू बताउँछन् ।

आँखा रातो हुने, चिलाउने वा चिपचिप गर्ने बित्तिकै आफूखुशी औषधी किनेर लगाउँदा आँखामा जटिल समस्या आउने भएकाले स्वास्थ्यकर्मीको सुझावविना औषधि प्रयोग नगर्न डाक्टरको सुझाव छ ।

सङ्क्रमण विभिन्न कारणले हुने हुँदा सम्बन्धित अस्पतालमै गएर जाँच गराउनुपर्छ, आँखाको भाइरल एउटा परिवारमा देखिए सबैमा सर्न सक्ने भएकाले सरसफाइमा ख्याल गर्नुपर्छ । ढिला गरी उपचारमा आउँदा आँखाको नानीमा घाउ हुन्छ, त्यसले सधैँका लागि दृष्टि गुम्न पनि सक्छ । समयमा उपचार गरे तीन÷चार दिनभित्र निको हुन्छ ।

आँखामा समस्या देखिएको भए हातले आफ्नो आँखा नछुने, आफ्नो हात बारम्बार साबुन पानीले धुने, दैनिक सफा तौलिया र धुने कपडा प्रयोग गर्ने, तौलिया वा धुने कपडा साझा नबनाउने गरेमा रोग फैलन पाउँदैन । सन्क्रमित ब्यक्तिको कन्ट्याक्ट् बाट टाढा बस्ने, संक्रमित भैहाले स्वास्थ्यकर्मी लाई जांच गराउन चिकित्सकको सुझाव छ ।

खबर सबै

भाइटीकाले दाजुभाइ तथा दिदीबहिनीबीचको आत्मीयतालाई प्रगाढ बनाउँछ : प्रधानमन्त्री बालेन

• 

  आज भाइटीका, उत्तम साइत बिहान ११ः०७ बजे

• 

  बाणगंगामा जुवाको खालमा प्रहरीको छापा, ११ जना रंगेहात पक्राउ

• 

  वैकल्पिक राजनीतिको बहस उठाउँदै ‘लेखक खनाल’को पाँचौँ पुस्तक प्रकाशनको तयारीमा

• 

  नालामा जमेको पानीमा डुबेर दुई बालकको मृत्यु

• 

  कपिलवस्तुमा तिहार लक्षित सुरक्षा योजना, देउसीभैलो राति ९ बजे सम्म मात्रै

• 

  एनपीएलमा आज एक खेल, काठमाडौँ र लुम्बिनी आमने सामने

• 

  नालामा जमेको पानीमा डुबेर दुई बालकको मृत्यु

• 

  कपिलवस्तुमा तिहार लक्षित सुरक्षा योजना, देउसीभैलो राति ९ बजे सम्म मात्रै

• 

  एनपीएलमा आज एक खेल, काठमाडौँ र लुम्बिनी आमने सामने

• 

  आज काग तिहार मनाइँदै, यमपञ्चक सुरु

• अर्घाखाचीमा पहिलो पटक देखियो दुर्लभ काँडे भ्याकुर

• 

  कृष्णनगरका २६९ परिवारको जग्गामा कानुनी स्वामित्व सुनिश्चित

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

• 

  रास्वपा प्रवेश गरेका विजयनगरका उपाध्यक्ष र वडा अध्यक्षको पद रिक्त

• 

  भारी वर्षाको पूर्वानुमानपछि लुम्बिनीमा १६ सयभन्दा बढी तालिम प्राप्त सशस्त्र प्रहरी परिचालन