कपिलवस्तुमा सुरु भयाे भ्रष्टाचार बिरुद्ध जनदबाब, युवाहरुले थाले बिराेध प्रदर्शन

कपिलवस्तु

कपिलवस्तुमा भ्रष्ट्राचार बिरुद्ध जनदवाब स्वरुप सचेत नागरिक समुहले शनिबार बिरोध तथा प्रर्दशन गरेको छ । कपिलवस्तुको बुद्धभुमि नगरपालिका स्थित गोरुसिँगेमा जम्मा भएका सचेत नागरिक समुहका युवाहरुले स्थानीय तह देखि केन्द्र सरकार सम्म नै भ्रष्टाचार बिरुद्ध जनदवाब दिनुपर्ने बताएका छन् ।

बुद्धभुमि नगरपालिका वडा नम्बर २ सिथ्त गोरुसिँगेको लुम्बिनी होटल अगाडीबाट र्याली सुरु भई सर्पदशं उपचार केन्द्र सम्म पुगि कोणसभा गरिएको थियो । उक्त कोणसभामा सहभागीहरुले हातमा प्लेकार्डहरु बोकेका थिए । उनीहरुले भ्रष्टाचारीलाई कार्वाही गर, राम्रो कामलाई सधै साथ प्रहरी प्रशासनलाई धन्यवाद, नक्कली भुटानी शरणार्थी प्रकरणमा संलग्नलाई राष्ट्रिय ठगहरुलाई कार्वाही गर, स्थानीय देखि केन्द्र सम्मका जनप्रतिधि र कर्मचारीहरुको सबैको सम्पति सार्वजनिक गर, सबैखाले भ्रष्टाचार र कालो बजारीयालाई कार्वाही गर लगाएत नारा लेखिएका प्लेकार्ड प्रर्दशन समेत गरेका थिए ।

अहिले देशमा भ्रष्टाचार र भ्रष्टाचारी आतंक बढीरहेको र यसले सामान्य निमुखा नागरिकहरु दिन प्रतिदिन गरिब भइरहेको भन्दै जनदबाव सिर्जना गर्न यो बिरोध गरिएको बिरोध प्रर्दशनमा सहभागी थानेश्वर अर्याल अच्युतले बताए । उनले भ्रष्टाचार गर्ने जो कोही पनि कार्वाहीको दायरामा आउनुपर्ने माग पनि गरेका छन् ।

उक्त बिरोध कार्यक्रममा रुपकराज खनाल, रमेशचन्द्र भुषाल, मधव पराजुली, रबि ठाकुर, दुर्गा अधिकारी लगाएतले सम्बोधन गरेका थिए ।