भलवाडमा सुरु भयो चार दिने स्वास्थ्य शिविर, कहाँ कहाँ हुँदै छ थाहा पाउनुहोस्

भलवाड । कपिलवस्तुको वाणगंगा नगरपालिका स्वास्थ्य शाखाले संचालन गरेको स्कृनिङ् शिविर वडा नम्बर ९ मा सुरु गरिएको छ ।

केही दिन अघि नगरपालिकाको स्वास्थ्य शाखाले नगरका सबै वडामा संचालन गर्ने गरी अभियानको रुपमा ५० वर्ष उमेर माथिका ब्यक्तिहरुको नसर्ने रोग मधुमेह र उच्च रक्तचाप परीक्षण तथा स्कृनिङ्ग शिविरको सूरुवात गरेको थियो ।

आज देखि नगरपालिकाको वडा नम्बर ९मा संचालन गरिएको यो शिविर अब जेठ ४ गते सम्म संचालन हुने बताइएको छ । वडा नम्बर ९ भलवाड स्थित साहारा सामुदायिक वन समूहको सभाहलमा वडा अध्यक्ष तथा भलवाड स्वास्थ्य व्यबस्थापन समितिका अध्यक्ष कमल पौडेलले आफ्नो स्वास्थ्य परीक्षण गरी कार्यक्रमको उद्घाटन गर्नु भएको छ ।

भलवाड टोलमा भएको स्वास्थ्य शिविरमा १ सय २५ जना नागरिकहरुको स्वास्थ्य परीक्षण गरीएको भलवाड स्वास्थ्य चौकी प्रमुख जित बिकास रायमाझीले जानकारी दिनुभएको छ ।

यस्तै भोलि जेठ ३ गते खोजिपुर सामुदायिक वनको सभाहल जिनुवामा र जेठ ४ गते अमृते सामुदायिक वनको सभाहल भर्तापुरमा बिहान ११ बजेदेखि शिविर सञ्चालन हुने जनाइएको छ ।


स्वास्थ्य शिविरमा भलवाड स्वास्थ्य चौकीका जनस्वास्थ्य निरीक्षक खुस्बु बराल, सिनियर अनमी मनिषा पन्थी, पिपरा अस्पतालका ल्याब ईन्चार्ज राधा गौतमले सेवा प्रदान गरेका छन् ।

व्यक्तिको सन्तुलित खानपान नहुँदा आजभोली अस्वस्थ भई मधुमेह र उच्च रक्तचापबाट ग्रसित हुनुपरेको भन्दै नगरपालिकाको स्वास्थ्य शाखाबाट रोगको पहिचान गर्ने अवसर प्राप्त गरेकोमा विपन्न वर्गमा राहत पुगेको स्थानिय जुगलाल सुनारले बताउनु भयो ।

104

प्रतिक्रिया

खबर सबै

मृत्यु भएका मतदाताको विवरण अद्यावधिक गर्न आयोगको आग्रह

लुम्बिनी प्रदेश सबै

लुम्बिनीका मुख्यमन्त्री आचार्यले आज विश्वासको मत लिँदै

साझा अपडेट

MENU