एसिसी प्रिमियर कप : साउदीले कतारलाई र कुवेतले बहराइनलाई हरायो

काठमाण्डाै : एसिसी प्रिमियर कप क्रिकेटमा साउदी अरेबियाले कतारलाई ७ विकेटले हराएको छ । कतारले दिएको दुई सय १७ रनको लक्ष्य साउदीले ३४ ओभर २ बलमा तीन विकेटको क्षतिमा पूरा ग¥यो । त्यसअघि त्रिवी क्रिकेट मैदानमा टस हारेर पहिला ब्याटिङ गरेको कतारले ४९ दशमलब ५ ओभरमा अलआउट हुँदै एक सय १६ रन बनायो । साउदीको यो पहिलो जित हो । कतारले लगातार दुई खेल हारेको छ । यो प्रतियोगितामा १० देश सहभागी छन् ।

यस्तै आजै भएको अर्काे खेलमा कुवेतले बहराइनलाई २ विकेटले हराएको छ । बहराइनले दिएको दुई सय ५६ रनको लक्ष्य कुवेतले ४४ ओभर २ बलमा ८ विकेटको क्षतिमा पूरा ग¥यो । त्यसअघि मुलपानी मैदानमा टस हारेर पहिला ब्याटिंङ गरेको बहराइनले निर्धारित ५० ओभरमा ७ विकेटको क्षतिमा दुई सय ५५ रन बनायो । आज कुवेतले पहिलो जित र बहराइनको पहिलो हार हो ।

समूह ‘ए’ मा आयोजक नेपालसहित मलेसिया, साउदी अरेविया, कतार र ओमान रहेका छन् । समूह ‘बी’ मा बहराइन, कुवेत, सिंगापुर, हङकङ र युएई रहेका छन् ।