ओमानमाथि नेपालको कीर्तिमानी जित

काठमाडौं । एसीसी प्रिमियर कपमा नेपालले ओमानमाथि कीर्तिमानीपूर्ण जित हात पारेको छ । आजको खेलमा नेपालले ८४ रनको जित हात पारेको हो ।

नेपालले दिएको ३११ रनको लक्ष्य पछ्याएको ओमानले २२६ रन मात्र बनाउन सक्यो । ४६।३ ओभरमा नवौं विकेट गुमाएको ओमानका अन्तिम ब्याट्सम्यान घाइते भएका कारण क्रिजमा आउन सकेनन् र नेपाल विजयी भयो ।

यसअघि टस हारेर पहिले ब्याटिङ गरेको नेपालले कुशल मल्लको शतक र सोमपाल कामीको अर्धशतकको मदतमा कीर्तिमानी ३१० रन बनाएको थियो ।