स्वास्थ्य मन्त्री पन्थीले गरे चन्द्रौटामा ५० सैयाको प्रदेश स्तरीय सरुवा रोग अस्पतालको शिलान्यास

बाबुराम रायमाझी, कपिलवस्तु । कपिलवस्तुको शिवराज नगरपालिकाको चन्द्रौटामा लुम्बिनी प्रदेश स्तरीय सरुवा रोग अस्पतालको शिलान्यास भएको छ । आज बुधवार एक कार्यक्रमका बीच लुम्बिनी प्रदेश स्वास्थ्य मन्त्री विष्णु पन्थीले अस्पतालको शिलान्यास गर्नु भएको छ ।

अस्पतालको शिलान्यास गर्दै मन्त्री पन्थीले कोभिडको समयमा संक्रमितले पाएको समस्याले गर्दा प्रदेश सरुवा रोग अस्पतालको अवधारणाको विकास भएको बताउदै प्रदेश सरुवा रोग अस्पताल प्रदेशवासीको लागी गौरवको योजना रहेको बताउनु भयो । निर्माण हुने अस्पताल देशको महत्वपूर्ण अस्पतालको रुपमा विकास गरिने मन्त्री पन्थीले बताउनु भयो ।

सम्बोधनका क्रममा उहाँले हरेक पालिकाको आफ्नै अस्पताल र लुम्बिनी प्रादेशिक अस्पताललाई १ हजार ५०० शय्याको अस्पतालको रुपमा विकास गरिने क्रममा रहेको बताउनु भयो ।निर्माण हुने अस्पताल ५० शय्याको हुने छ । २०८१ फाल्गुन सम्म अस्पताल भवन निर्माण सम्पन्न हुने लक्ष्य राखिएको भवन निर्माणको कुल लागत २० करोड ९६ लाख ३ हजार ३२६ रुपैयाँ रहेको छ ।

सिलान्यास कार्यक्रममा बोल्दै लुम्बिनी प्रदेश सभा सदस्य अर्जुन कुमार केसीले ठेक्का भएको १३ महिना पछि भवन निर्माणको काम सुरु भएको बताउनु भयो । जग्गा प्राप्ति, आईईई लगायतका प्रक्रियाले काम ढिलाई भए पनि भवन निर्माणको काम निर्धारीत समयमा काम सकाउन जोड दिनु पर्ने बताउनु भयो ।

अस्पताल निर्माणको ठेक्का स्काई सगुन जेभि बुटवलले पाएको छ । प्रदेश सरकारले डिपिआर गराई भवन निर्माणको लागि कपिलवस्तु निर्धारण भएको प्रदेश स्वास्थ्य सचिव डा. विनोद गिरीले बताउनु भयो । अस्पताल भवन निर्माण निर्धारित समयमा सम्पन्न गरिने र प्रदेश सरकारबाट बजेटको सुनिश्चितता हुने डा. गिरी को भनाई रहेको थियो ।

115

प्रतिक्रिया

खबर सबै

मृत्यु भएका मतदाताको विवरण अद्यावधिक गर्न आयोगको आग्रह

लुम्बिनी प्रदेश सबै

लुम्बिनीका मुख्यमन्त्री आचार्यले आज विश्वासको मत लिँदै

साझा अपडेट

MENU