बाणगंगाका एक सहित कपिलवस्तुबाट अबैध लागुऔषधसहित दुई जना समातिए

कपिलवस्तु । अबैध लागुऔषध सहित कपिलवस्तुको बाणगंगाका एक जना सहित जिल्लाबाट प्रहरीले दुई जनालाई नियन्त्रणमा लिएको छ । जिल्लाका दुई फरक फरक स्थानबाट उनीहरु पक्राउ परेका हुन ।

जिल्लाको यशोधरा गाउँपालिका–६ पुर्निहवास्थित सडकबाट अवैध लागूऔषध ब्राउनसुगर जस्तो देखिने पदार्थ ३ ग्रामसहित भारत घर भएका ३६ वर्षीय गोरख यादवलाई शनिबार साँझ पक्राउ गरिएको प्रहरीले जनाएको हो ।

प्र्रहरी चौकी रंगपुरबाट खटिएको प्रहरीले भारतबाट नेपालतर्फ आउँदै गरेको युपि ५५ एएफ ६२४० नम्बरको मोटरसाइकल जाँच गर्ने क्रममा मोटरसाइकल चालक यादवलाई उक्त पदार्थसहित फेला पारी पक्राउ गरेको हो ।

यसैगरी कपिलवस्तुको मायादेवी गाउँपालिका–४ चाकरचौडाबाट अवैध लागूऔषध ब्राउनसुगर जस्तो देखिने पदार्थ करिब १० ग्रामसहित बाणंगगा नगरपालिका–८ बस्ने ३४ वर्षीय ओम बहादुर रानालाई पनि प्रहरीले पक्राउ गरेको छ ।

ईलाका प्रहरी कार्यालय चाकरचौडाबाट खटिएको प्रहरीले भारतबाट नेपालतर्फ आउँदै गरेको लु.३० प ५४७३ नम्बरको मोटरसाइकललाई जाँच गर्ने क्रममा मोटरसाइकल चालक रानालाई उक्त पदार्थसहित फेला पारी पक्राउ गरेको हो ।यस सम्बन्धमा प्रहरीले थप अनुसन्धान गरिरहेको प्रहरीले जनाएको छ ।