नेपालले यूएईलाई दियाे २ सय ४९ रनकाे लक्ष्य

काठमाण्डाै

आईसीसी विश्व कप क्रिकेट लिग–२ क्रिकेटअन्तर्गत त्रिदेशीय एकदिवसीय शृङ्खलामा नेपालले यूएईलाई २ सय ४९ रनकाे लक्ष्य दिएकाे छ ।

त्रिवि क्रिकेट मैदानमा टस जितेर पहिले ब्याटिङ गरेकाे नेपाल ४९ ओभर २ बलमा २ सय ४८ रन बनाउँदा अलआउट भयाे । नेपालका लागि कप्तान राेहित पाैडेलले सर्वाधिक ७७ रन बनाए । यस्तै आरिफ शेखले ४३, गुलसन झाले ३७ र दीपेन्द्रसिंह ऐरीले ३४ रन बनाए । बलिङतर्फ यूएईका आयन अफजल खान, जहूर खान, राेहन मुस्तफा र जवार फरिदले २/२ विकेट लिए ।

नेपाल, यूएई र पपुवा न्युगिनी (पीएनजी) सम्मिलित यो शृङ्खला क्रिकेट लिग–२ को अन्तिम शृङ्खला हो ।

नेपालले याे शृङ्खलाकाे पहिलाे खेलमा यूएईलाई ५२ रनले हराएकाे थियाे । आजकाे खेल जितेमा नेपालकाे एकदिवसीय मान्यता कायम हुनेछ । नेपालले साेझै विश्व कप छनाेट कायम गर्न भने याेसहित ३ वटा खेल जित्नुपर्ने हुन्छ । नेपालले भोलि पीएनजीसँग र बिहीवार अन्तिम खेलमा यूएईसँग खेल्नेछ ।

लिग–२ तालिकामा नेपाल ३३ खेलमा ३४ अङ्कसहित तालिकाकाे पाँचाैँ स्थानमा छ । यूएई ३३ खेलमा ३१ अङ्कसहित छैटाैँ स्थानमा छ । १ खेल बढी खेलेकाे पीएनजी ११ अङ्कसहित तालिकाकाे पुछारमा छ ।

142

प्रतिक्रिया

खबर सबै

छोराको हत्याको खबर सुनेपछि दाङमा आमाको पनि मृत्यु

लुम्बिनी प्रदेश सबै

लुम्बिनीमा सवारी दुर्घटनाको मुख्य कारण तीव्र गति, साउनमा ३५ जनाको मृत्यु

साझा अपडेट

MENU