बाणगंगा ७ मा ‘एक घर एक हजारी’ कार्यक्रमः १७ सयलाई हजारी वतरण

कपिलवस्तु । कपिलवस्तुको बाणगंगा नगरपालिका वडा नम्बर ७ ले वडाका हरेक घरमा फुलबारी र करेसाबारी निर्माण गर्ने उद्देश्य सहित नागरिकहरुलाई एक एक थान हजारी बितरण गरेको छ । वडाको एक घर एक हजारी कार्यक्रम अन्र्तगत वडाका १७ सय परिवारलाई हजारी वितरण गरेको हो ।

वडाको सुन्दरीकरणसँगै कृषकहरुलाई करेसाबारीमा सक्रिय बनाउन वडाको चालु आर्थिक वर्षको लक्षित वर्गको कार्यक्रम अन्र्तगत कृषकहरुलाई हजारी वितरण गरिएको हो । आइतबार वडा कार्यालयमा आयोजना गरिएको एक कार्यक्रमबा बिच वडाका ८ सय कृषकहरुलाई हजारी वितरण गरिएको वडा अध्यक्ष विष्णु गिरीले जानकारी दिनुभयो । उहाँका अनुसार वडा नम्बर ७ ले गत आर्थिक वर्षमा ९ सय कृषकहरुलाई वितरण गरीएको थियो । दुई आर्थिक वर्षमा गरी वडाका १७ सय नागरिकहरुलाई हजारी वितरण गरिएको वडा अध्यक्ष गिरीले बताउनु भयो ।

वडा अध्यक्ष गिरीले वडा नम्बर ७ का हरेक नागरिकहरुलाई घरमा अनिवार्य फुलबारी र करेसाबारी निर्माण गर्नुपर्ने बताउनुभयो । वडाले हरेक क्षेत्रमा सिँचाईको सुविधा पु¥याउने वडाको उद्देश्य अनुरुप काम पनि गरिरहेको बताउनुभयो ।

कार्यक्रममा वडा अध्यक्ष विष्णु गिरीको अध्यक्षता सहित वडाका सबै जनप्रतिनिधि र टोलविकास संस्थाका पदाधिकारीहरुको उपस्थिति रहेको थियो । वडा सचिव सन्तोष कुमार बैठाको संचालनमा सम्पन्न भएको हो ।