बाणगंगाको दिव्य ज्योति बहु उद्देश्यीय सहकारीमा चोरी

कपिलवस्तु । कपिलवस्तुको बाणगंगा नगरपालिका वडा नं.५ मा रहेको दिब्य ज्योति बहु उद्वेश्य सहकारी संस्था लि.को कार्यालयमा गयराति चोरी भएको छ ।

भोली आयोजना गर्न लागिएको संस्थाको १७ आँै वार्षिक साधरण सभा तथा दशौं अधिवेशन तयारीको नगद ६० हजार रकम चोरी भएको संस्थाकी ब्यवस्थापक बिष्णुमाया भट्टराईले बताउनु भयो ।

ब्यवस्थापक बिष्णुमाया भट्टराईका अनुसार साधारणसभा तयारीका लागि संस्थाको लकरमा राखिएको नगद रकम लकर नै तोडेर चोरी भएको हो ।

१२ पौषको रातको समयमा अज्ञात समुहले झ्यालको ग्रिल तोडी चोरी गरेको कार्यालयले जनाएको छ । इलाका प्रहरी कार्यालय कोपवाले चोरी गर्ने गिरोहको खोजिका लागि अनुसन्धान भइरहेको जनाएको छ ।

108