पाल्पामा बिहे भोज खाँदा ८५ जनाभन्दा बढी बिरामी

पाल्पा । पाल्पामा बिहे भोज खाँदा ८५ जनाभन्दा बढी बिरामी परेका छन् । पाल्पाको चिर्तुङधारा घोरबन्दामा बेहुलीको घरमा बिहे भेज खाएका प्यूठानका ४५ जन्ती र बेहुलीपट्टिका ४० जना बिरामी परेका हुन् ।

मंसिर १७ गते शनिबार पाल्पाको बगनासकाली गाउँपालिका–१, चिर्तुङधारा घोरबन्दास्थित दानबहादुर गाहाको छोरीको बिहेमा भोज खाएकाहरू बिरामी परेका हुन् ।

उनीहरुमा ज्वरो आउने, पखाला लाग्ने, टाउको दुख्ने, वाकवाकी लाग्ने, वान्ता हुने समस्या देखिएको छ ।

भोजमा राँगाको मासु, पुलाउ, बटुक र अचार थियो । कतिपयले पानी धमिलो देखिएको र पानीकै कारण पनि हुन सक्ने आशंका गरेका छन् ।

बिरामी परेकामध्ये बेहुली पक्षकाको पाल्पा मिसन अस्पतालमा र जन्ती पक्षको प्युठान जिल्ला अस्पताल बिजुवारमा उपचार भइरहेको छ ।