प्रथम मोतिपुर फुलबारी कप : बाणगंगा वेयलफेयर र अमुवा एफसी बिजयी

राजेन्द्र खनाल,कपिलवस्तु । कपिलवस्तुको बाणगंगा ७ मा जारी प्रथम मोतिपुर फुलबारी कप फुटबल प्रतियोगिताको पहिलो चरण अन्र्तगत आज चौथो दिन शुक्रबार दुई खेल सकिएका छन् ।

आज भएको पहिलो खेलमा बाणगंगा वेयलफेयर सोसाइटीले जित हात पारेको छ । ९० मिनेटको निर्धारीत समयमा बाणगंगा वेयलफेयर र रत्कोल फुटबल क्वल शिवराजले दुई दुईको बराबरी खेलेपछि पेनाल्टी सुट आउटमार्फत नतिजा निकालिएको हो । पेनाल्टीम बाणगंगा वेयलफेयरले रत्कोल बिरुद्ध ४–० जित हात पारेको छ ।

यस्तै अमुवा युवा क्लव रुपन्देही र मुहान फुटबल क्वल झुँगाह कपिलवस्तु बिच भएको दोस्रो खेलमा अमुवा एफसीले ५–१ को फराकिलो जित हात पारेको छ । अब जारी प्रतियागितामा पहिलो चरणको एउटा मात्रै खेल बाँकी रहेको खेल संयोजक सन्दिप क्षेत्रीले जानकारी दिएका छन्।

भोली पहिलो खेलमा आयोजक समुह प्रगतिशिल युवा क्लवल र हन्टर ब्वाइज सिउटी कपिलवस्तु बिच हुने छ । भने क्वाटरफाइनलको खेल पनि भोली देखि नै सुरु हुने छ । क्वाटर फाइनल अन्र्तगत पहिलो खेल भोली सिद्धार्थ गौतम युवा क्लव चौवाह र आहना एफसी देविनगरबिच हुने बताइएको छ ।

आजको प्रतियोगितामा बाणगंगा वेयलफेयरका उज्जवल मगर र अमुवाका बलराम न्यौपाने म्यान अफ दि म्याच बनेका छन् । जारी प्रतियोगितामा १६ टिमको सहभागिता थियो । पहिलो चरणबाट ८ टिम मात्रै क्वाटर फाइनलका लागि छानिदै छन् ।

172

प्रतिक्रिया

खबर सबै

विष्णु पौडेल पक्राउविरुद्धको बन्दीप्रत्यक्षीकरण रिट खारेज

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU