नेपाली क्रिकेट टोली स्वदेश फिर्ता

पूर्वकप्तान ज्ञानेन्द्र मल्ले पुनरागमनमा राम्रो प्रदर्शन गरेका थिए । नयाँ खेलाडी अर्जुन साउदले राष्ट्रिय टिममा डेब्यु गर्दै आफ्नो राम्रो प्रभाव छोडेका छन् । टि–२० शृंखलापछि नियमित कप्तान सन्दीप लामिछाने क्यारेबियन प्रिमिय लिग खेल्न वेष्टइन्डिज गएपछि एकदिवसीयमा रोहितकुमार पौडेलले नेपालको कप्तानी गरेका थिए ।

स्वदेश फर्किएपछि रोहितले केन्या भ्रमण समग्रमा राम्रो भएको बताएका छन् । नेपाली खेलाडीले अझै पनि ब्याटिङमा काम गरिरहेको र टिममा सुधार गर्नुपर्ने उनले भनाइ छ । सिनियर टिमको कप्तानी गर्नुले जिम्मेवारी बढेको उनकाे तर्क छ । रोहितले अनुभवी खेलाडी ज्ञानेन्द्र र डेब्युटान्ट अर्जनुले राम्रो खेलेको समेत बताएका छन् ।