बुटवल उपमहानगरले बनायो मुलुकमै पहिलो पटक उपबिजेताको कार्यकक्ष

बुटवल उपमहानगरपालिकामा नेपालमै पहिलो पटक निर्वाचनमा प्रतिद्वन्द्वी उप बिजेताका लागि कार्यकक्षको व्यवस्था गरिएकोे छ । आफैसँग पराजय भएका उपबिजयतासँग पनि सहकार्य र सहमति गर्ने गरि उपमहानगर परिषर भित्रै कार्यकक्ष बनेको नेपालमा यो नै पहिलो हो । उप बिजयतासँगै पूर्व मेयरहरुका लागि पनि छुट्टै कार्यकक्ष स्थापना गरिएको छ ।

संविधानले स्थानीय तहमा विपक्षिको व्यवस्था नगरेको र लोकतन्त्रमा उप बिजयता र विपक्षिको महत्व हुने भएकाले बुटवलबाट उप बिजयताको कार्यकक्ष बनाउन शुरु गरिएको बुटवल उपमहानगरका नगर प्रमुख खेलराज पाण्डेले बताए । स्थानीय तह निर्वाचन २०७९ बाट निर्वाचित जनप्रतिनिधिले पदस्थापन गरेको १ सय दिन पूरा भएको अवसरमा नगर प्रमुख खेलराज पाण्डेयले कार्यकक्षको उद्घाटन गरेका छन् । उनले निर्वाचनकै बेला पूर्व मेयर र उपबिजयताका लागि कार्यकक्ष बनाउने घोषणा गरेका थिए ।

बुटवललाई सबैको अपनत्व महसुस गराउने गरी राजनीतिक दल र नगरका पूर्व प्रमुख, उपप्रमुख, उपबिजेताहरुका सम्पर्क कक्ष स्थापना गरिएको उनले बताए । बुटवललाई सहमति, सहकार्य, एकता र मेलमिलापको नीति अंगिकार गर्दै साझा मञ्चका रुपमा स्थापित गर्नका लागि साझा कक्ष स्थापना गरिएको उप महानगरका प्रमूख प्रशासकीय अधिकृत टेकराज पन्थीले बताएका छन् ।

उनले सो कार्यकक्षको उपयोग गर्दै उपमहानगरको नेतृत्वलाई सल्लाह, सुझाव र कमजोरी समेत औंल्याइदिन उपबिजयता सहित पूर्व जनप्रतिनिधिहरुलाई आग्रह गरेका छन् ।

कार्यकक्षको स्थापना गरिएपनि उदघाटन कार्यक्रममा उपविजेता सहित पूर्व मेयरहरु भने अनुपस्थित थिए ।

192

प्रतिक्रिया

खबर सबै

प्रधानमन्त्री दैवी प्रकोप उद्धार कोषमा नेपाली कांग्रेसको एक करोड रुपैयाँ सहयोग प्रदान

लुम्बिनी प्रदेश सबै

जसपाको कारबाहीले लुम्बिनी सरकार संकटमा, मुख्यमन्त्रीलाई फेरि विश्वासको मतको दबाब

साझा अपडेट

MENU