रुपन्देहीमा स्रोत नखुलेको २४ लाखसहित एक युवक पक्राउ

बुटवल । रूपन्देही प्रहरीले स्रोत नखुलेको २४ लाख रूपैयाँसहित एक जना युवालाई पक्राउ गरेको छ । रूपन्देही सिद्धार्थनगर नगरपालिका १ बाट स्रोत नखुलेको मोटो रकमसहित बुटवल उपमहानगरपालिका वडा नम्बर ८ बस्ने २८ वर्षका सन्दीप शाक्यलाई पक्राउ गरेको हो ।

अवैध रकम ओसारपसार हुँदै गरेको सूचना पाएपछि प्रहरीले चेकजाँच गर्दा शाक्यको साथबाट २४ लाख ४० हजार रुपैयाँ रकम फेला परेको जिल्ला प्रहरी कार्यालय, रुपन्देही प्रहरी नायव उपरीक्षक श्याम अर्यालले जानकारी दिए ।

उक्त रकमसहित पक्राउ परेका शाक्यलाई आवश्यक कारवाहीको लागी सोमवार भैरहवा भन्सार कार्यालय, बेलहिया रुपन्देही पठाइएको छ ।