धारा छन्, पानी आउँदैन

दोलखा — खानेपानी योजना निर्माण थालिएको १५ वर्ष बित्यो । टोलटोलमा बनाइएका धारामा अझै पानी झरेको छैन । निर्माण सकिएका २ वटा ट्यांकी खण्डहर बनेका छन् । स्थानीय भने घण्टौं हिँडेर पानी लिन जानुपर्ने बाध्यतामा छन् ।

२०६४ सालमा सर्भे भएर मेलुङ गाउँपालिका–१ घ्याङखोलामा दियालेखर्क खानेपानी योजना निर्माण थालिएको हो । कुल लागत एक करोड ३४ लाख ७२ हजार रुपैयाँ अनुमान गरिएकोमा हालसम्म ७१ लाख खर्च भइसकेको छ । बर्सेनि मर्मतका नाममा रकम विनियोजन पनि भइरहेकै छ । चालु आवमा पनि उक्त शीर्षकमा १० लाख रुपैयाँ वाग्मती प्रदेश सरकारले पठाएको थियो ।

‘उ बेलामा टोलमै खानेपानी आउने भयो भनेर खुसी लागेको थियो,’ स्थानीय चेतबहादुर विकले भने, ‘तर यत्रो वर्ष आशमै बित्यो । पाइप पनि आएको सुनेको हो तर कता छ थाहा भएन । टाँठाबाठाको घरमा पुग्यो होला ।’ उनले रकम अनियमितता भएको आरोपसमेत लगाए ।

२०४८ सालमा सोही मुहानबाट पानी ल्याएर वितरण गरिएको छरछरे खानेपानी योजनाका संरचना, पाइप र ट्यांकी अझै छन् । उक्त योजनाको इन्टेक र पाइप फेरबदल गर्न भन्दै अर्को नाममा योजना बनाएर उपभोक्ता समिति बनाइएको थियो । जसलाई दियालेखर्क खानेपानी योजना उपभोक्ता समिति भनियो । २०६४ सालमा सर्भे गर्दा उपभोक्ता समितिका अध्यक्ष छत्रबहादुर कार्की थिए । योजनामा रकम परेपछि उनलाई समितिबाट निकालियो । ‘सुरुमा ४०/४२ लाख रुपैयाँ आएको थाहा छ,’ उनले भने, ‘तर त्यो रकमले के गरे पत्तो छैन । काम गर्ने बेला नेतृत्वमा नरहेकाले मलाई जानकारी छैन ।’ टोलटोलमा बनेका धारा पनि गैरसरकारी संस्थाले बनाएका उनले दाबी गरे । ती धाराबाट पनि पानी झरेको छैन ।

विगतमा बनाएका संरचना बाढीले बगाएका कारण अहिले ट्यांकी र १० धारा बनाइरहेको उपभोक्ता समितिका कोषाध्यक्ष हरिबहादुर पाण्डेले बताए । विगतको समितिले ५०/५५ लाख रुपैयाँ खर्च गरे पनि संरचना काम नलाग्ने भएकाले अहिले नयाँ संरचना बनाउनुपर्ने भएको उनको भनाइ छ । प्रदेश सरकारबाट आएको १० लाखबाट मुहानमा इन्टेक निर्माण गर्न लागिए पनि वर्षाले प्रभावित बनेको उनको भनाइ छ । ‘अहिले इन्टेक र ट्यांकी निर्माण गर्न लागिरहेका थियौं, पानी परेर समस्या भइरहेको छ,’ उनले भने, ‘अहिलेसम्म ४ किमि पाइप गाडिएको छ ।’

खानेपानी तथा सरसफाइ डिभिजन कार्यालय रामेछापका प्रमुख हुपेन्द्रराज जोशीले अन्तिम चरणमा पाइप खोलाले बगाएपछि योजना अलपत्र परेको दाबी गरे । ‘गत वर्ष अन्तिममा काम गर्ने भनेर आएपछि हामीले रोक्यौं,’ उनले भने, ‘यो वर्ष इन्टेक बनाउने काम भइरहेको छ, कति बन्यो प्राविधिकलाई थाहा होला ।’

खबर सबै

भाइटीकाले दाजुभाइ तथा दिदीबहिनीबीचको आत्मीयतालाई प्रगाढ बनाउँछ : प्रधानमन्त्री बालेन

• 

  आज भाइटीका, उत्तम साइत बिहान ११ः०७ बजे

• 

  बाणगंगामा जुवाको खालमा प्रहरीको छापा, ११ जना रंगेहात पक्राउ

• 

  वैकल्पिक राजनीतिको बहस उठाउँदै ‘लेखक खनाल’को पाँचौँ पुस्तक प्रकाशनको तयारीमा

• 

  नालामा जमेको पानीमा डुबेर दुई बालकको मृत्यु

• 

  कपिलवस्तुमा तिहार लक्षित सुरक्षा योजना, देउसीभैलो राति ९ बजे सम्म मात्रै

• 

  एनपीएलमा आज एक खेल, काठमाडौँ र लुम्बिनी आमने सामने

• 

  नालामा जमेको पानीमा डुबेर दुई बालकको मृत्यु

• 

  कपिलवस्तुमा तिहार लक्षित सुरक्षा योजना, देउसीभैलो राति ९ बजे सम्म मात्रै

• 

  एनपीएलमा आज एक खेल, काठमाडौँ र लुम्बिनी आमने सामने

• 

  आज काग तिहार मनाइँदै, यमपञ्चक सुरु

• अर्घाखाचीमा पहिलो पटक देखियो दुर्लभ काँडे भ्याकुर

• 

  कृष्णनगरका २६९ परिवारको जग्गामा कानुनी स्वामित्व सुनिश्चित

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

• 

  रास्वपा प्रवेश गरेका विजयनगरका उपाध्यक्ष र वडा अध्यक्षको पद रिक्त

• 

  भारी वर्षाको पूर्वानुमानपछि लुम्बिनीमा १६ सयभन्दा बढी तालिम प्राप्त सशस्त्र प्रहरी परिचालन