कोइलीको कजवे : यस पटक पनि उही जोखिम

राजेन्द्र खनाल, कपिलवस्तु । जोखिमपूर्ण नदीमा कहिले पुल बन्छ र ढुक्कले यात्त्रा गर्न पाइएला भन्दा भन्दै यो सडक भएर यात्रा गर्ने सबैको मनमा एउटै कुरा खेल्छ, खोलामा बाढी नआए हन्थ्यो । तर हरेक वर्षको वर्षायामका चार महिना यो जोखिम सधैजसो भोग्नुर्ने बाध्यता छ । यस पटकको वर्षामा पनि यो जोखिम कायमै रहेको छ ।

हाल कजवे पुल रहेको छेवैँमा मोटरेवल पुल निर्माणका लागि बजेट विनियोजन भई गत वर्ष भदौ महिनामा ठेक्का सम्झौता समेत भएको थियो भने काम पनि सुरु भएको थियो । हाल भने ठेकेदार कम्पनीबाट काम रोकिएको छ । कपिलवस्तुको बाणगंगा नगरपालिका वडा नम्बर ७ र वडा नम्बर ९ लाई जोड्ने मोतिपुर स्थित कजवे पुल जिर्ण भएपछि मोटरेवल पुल निर्माणका लागि ठेक्का प्रक्रिया पुरा भए सँगै काम समेत सुरु भएको थियो । काम सुरु भएसँगै सांसद देखि स्थानीय सम्मले खुसीका साथ सामाजिक संजालमा तस्बिर सहितका आफ्ना विचार समेत व्यक्त गरेका थिए । तर हाल भने काम रोकिएको छ ।

कोइली खोला (क) नाम दिइएको उक्त नदीमा वर्षौ देखि जिर्ण अवस्थाको कजवेबाट यात्रारत नागरिकहरु मोटरेवल पुल बने सँगै सहज यात्रा गर्न पाउने आशामा थिए । चालु आर्थिक वर्षमा लुम्बिनी प्रदेश सरकारबाट विनियोजित बजेट मार्फत डिपिआर भई पुल निर्माणका लागि टेण्डर अर्थात ठेक्का सम्झौता समेत भई निर्माण कम्पनीले काम थालेको भए पनि काम सुरु गरेको दुई महिना मै निर्माणको काम राकिएको छ ।

ठेक्का सम्झौता अनुसार सिद्धार्थ दर्शन हिमाली जे.भि कन्स्ट्रक्सन अर्घाखाँचीले निर्माणको जिम्मा लिएको थियो । २०७७ मै डिपिआर सम्पन्न भएको भए पनि प्रदेश सरकारले यस वर्ष सो पुलका लागि बजेट विनियोजन गरेको थियो भने आगामी आर्थिक वर्षको बजेटमा पनि सो बजेटलाई निरन्तता दिएको छ । तर विभिन्न कारण देखाउँदै निर्माण कम्पनीले काम गर्न आनाकानी गरिरहेको छ ।
सरकारबाट बजेट विनियोजन भई ठेक्का प्रक्रिया मार्फत काम सुरु भएको भए पनि निर्माण कम्पनीले बिचमै काम छोड्दा यस पटकको वर्षामा पनि जोखिमको यात्रा गर्न नागरिक बाध्य हुने भएका छन् ।

यो पनि पढ्नुहोस् ।

कोइलीको पुल : ठेकेदार भन्छन्, समयमै काम पुरा गर्छु

कोईली नदीको पुल निर्माणमा जग्गा विवाद, स्थानीयद्धारा अवरोध