राप्ती नदीमा बेपत्ता २ युवकको शव फेला

बाँके । बाँकेको डुडुवा गाउँपालिका ४ सिधनियाघाटस्थित राप्ती नदीमा नुहाउने क्रममा बेपत्ता दुई युवकको शव फेला परेको छ।

बुधबार अपराह्न करीब ४ बजेदेखि बेपत्ता भएका हुम्लाको सिमिकोट गाउँपालिका ८ घर भइ हाल नेपालगञ्ज(१ धम्बोझीमा बस्ने १८ वर्षीया त्रिबल शाही र २१ वर्षीया लेकराज छन्त्यालको शव बिहीवार बिहान फेला परेको हो। शाही र छन्त्याल कक्षा १२ को परीक्षा दिएर बसेका थिए।

घरबेटीको मलामी गएका उनीहरू घर नफर्किएपछि खोजतलास गरिएको थियो। खोजतलास गर्ने क्रममा नदी किनारमा दुई जोडी कपडा र एक थान मोबाइल फोन फेला परेको थियो।