कपिलवस्तुको शुद्धोधन गाउँपालिकामा लोसपा विजयी

कपिलवस्तु । कपिलवस्तुको शुद्धोधन गाउँपालिकामा कमलेश शरण चौधरी निर्वाचित भएका छन् । लोकतान्त्रिक समाजवादी पार्टीका युवा नेता समेत रहेका चौधरी अध्यक्षमा निर्वाचित भएका हुन् । उनले निवर्तमान गाउँपालिका अध्यक्ष निसार अहमद खांलाई झिनो मतान्तरमा पराजित गरे । खांले ०७४ मा स्वतन्त्रबाट चुनाव जितेका थिए ।
यो बिचमा जसपामा प्रबेश गरि उनले राजनीति गर्दै आएका थिए । खां मधेस केन्द्रित दलबाट राजनीति गर्दै आएका पुराना नेता हुन् । गएको स्थानीय चुनावलाई तत्कालीन राजपाले बहिस्कार गरे पछि उनी पार्टी त्याग्दै स्वतन्त्रबाट उठेर पालिका अध्यक्ष जितेका थिए । उनले यिनै कमलेशलाई गएको चुनावमा हराएका थिए ।
मत गणनाको सुरुवात देखि नै अग्रता बनाउदै गएका खां अन्तिममा पराजित हुन पुगेका हुन् । यस्तै पालिकाको उपाध्यक्षमा नेकपा (माओवादी केन्द्र) का उम्मेदवार लाला चौधरी भारी मतले बिजयी भएका छन् ।

80

प्रतिक्रिया

खबर सबै

सांसद आचार्य टोलटोलमै राय, संकलन र विकास योजनामाथि छलफल

लुम्बिनी प्रदेश सबै

लुम्बिनी प्रदेशसभामा दुई विधेयक पेस

साझा अपडेट

MENU