क्रियटिभ भ्वाइस सेवाले ल्यायो, एकैपटक हजारौंलाई सुचना प्रवाह गर्ने सुबिधा

ईसाझा,कपिलवस्तु। क्रियटिभ क्रियसन्स एण्ड मिडियाले भ्वाइस ब्रोडकास्टिङ सेवा ‘क्रियटिभ भ्वाइस’ सुरु गरेको छ । सूचना प्रवाहलाई थप सहज बनाउने उद्देश्यका साथ ‘क्रिएटिभ भ्वाइस‘ को नाममा नयाँ सेवा सञ्चालनमा ल्याएको कम्पनीले जनाएको छ । यस सेवा अन्र्तगत एकैपटक हजारौंलाई सुचना प्रवाह गर्ने सुबिधा उपलब्ध गराउन सकिन्छ ।

क्रियटिभ भ्वाइस सेवा एउटा ब्रोडकास्ट प्लेटफर्म हो, जहाँ कम्पनी तथा विभिन्न संस्थाले समाचार, सूचना, सार्वजनिक सेवा घोषणा वा अन्य सम्बन्धित भ्वाइस सन्देश एकैपटकमा ठूलो सङ्ख्यामा मानिसहरूलाई प्रसारण गर्न सक्छन् ।

विगत लामो समय देखि बल्क एसएमएस एकै पटक धेरै नम्बरहरूमा म्यासेज, रिजल्ट प्रकाशन, भोटिङ सेवा उपलब्ध गराउँदै आएको कम्पनीले चुनाव नजिकिएसँगै भ्वाइस म्यासेज सेवा सार्वजनिक गरेको हो ।

यो सेवा बल्क एसएमएस प्रणालीको परिष्कृत संस्करण भएको कम्पनीले जनाएको छ । कम्पनीका अनुसार यस सेवा मार्फत संस्थाहरूले सर्वेक्षणहरू गर्न पनि सक्नेछन् । भ्वाइस सेवामार्फत आफ्नै आवाजमा समेत सन्देश पठाउन मिल्ने हुँदा यो सेवा बढी प्रभावकारी हुने कम्पनीको दावी छ ।

113