मुख्य प्रशिक्षक अलमुताईरीसँग खेलाडीको असन्तुष्टि

काठमाडौं। नेपाली राष्ट्रिय फुटबल टिमका कप्तान किरण चेम्जोङले मुख्य प्रशिक्षक अब्दुल्लाह अलमुताईरीसँग आफ्नोसमेत असन्तुष्टि रहेको बताएका छन्। प्रशिक्षकविरुद्ध खेली खेलाडीले गरेको विद्रोहलाई समर्थन गर्दै कप्तान किरणले यस्तो बताएका हुन्।

कप्तान किरणले प्रशिक्षकको व्यवहारप्रति आफ्नो असन्तुष्टि राख्दै फेसबुकमार्फत् विद्रोही खेलाडीको समर्थन गरेका हुन्.।

‘राष्ट्रिय टोलीको प्रशिक्षणमा खेलाडीप्रति प्रशिक्षकबाट गरिएको व्यवहारप्रति मेरो असन्तुष्टि छ’, किरणले फेसबुकमा लेखेका छन्, ‘राष्ट्रिय टोलीको क्याम्पमा जायज विषय उठाउँदा खेलाडीलाई क्याम्प नै छोड्न लगाउनु पक्कै सहि होइन। टोलीको कप्तान र एक सदस्यको हिसाबले म सधैं खेलाडीको पक्षमा छु।’

प्रशिक्षकको व्यवहारप्रति असन्तुष्टि जनाउँदै बन्द प्रशिक्षणमा रहेका १० खेलाडीले विद्रोह गरेपछि किरणले उनीहरुको समर्थन गरेका हुन्।

कप्तान किरणको भनाइ फेसबुकबाट जस्ताको तस्तै–‘राष्ट्रिय टोलीको प्रशिक्षणमा खेलाडीप्रति प्रशिक्षकबाट गरिएको व्यवहारप्रति मेरो असन्तुष्टि छ। राष्ट्रिय टोलीको क्याम्पमा जायज विषय उठाउँदा खेलाडीलाई क्याम्प नै छोड्न लगाउनु पक्कै सहि होइन। टोलीको कप्तान र एक सदस्यको हिसाबले म सधैं खेलाडीको पक्षमा छु।
जय नेपाल।’

101