ए डिभिजन लिग : आर्मी र जावलाखेलबीच बराबरी

काठमाडौँ

आर्मीले सहिद स्मारक लिग ए डिभिजनअन्तर्गत शुक्रबार भएको दोस्रो खेलमा जावलाखेललाई १–१ को बराबरीमा रोकेको छ । दशरथ रंगशालामा भएको खेलमा आर्मीका लागि सुमन अर्यालले दोस्रो हाफको इन्ज्युरी समयको सातौं मिनेटमा बराबरी गोल गरे । यसअघि जावलाखेलको तर्फबाट ओनगुना जुनियरले ५३ औं मिनेटमा गोल गरे ।

यो नतिजापछि आर्मी १८ अंकमा तेस्रो स्थानमा रह्यो । जावलाखेलको भने नौ अंक भएको छ र टिम ११ औं स्थानमा रह्यो ।

यसअघि दशरथ रंगशालामै भएको दिनको पहिलो खेलमा फ्रेन्ड्सले ब्रिगेड ब्वाइजलाई ५–२ ले हरायो । यसपल्टको लिगमा फ्रेन्ड्सको यो पहिलो जित हो र यससँगै फ्रेन्ड्स रेलिगेसन क्षेत्र छाड्न पनि सफल रह्यो ।

उसको छ अंक भएको छ र १२ औं स्थानमा उक्लेको छ । ब्रिगेड ब्वाइज भने समान छ अंकमा १३ औं स्थानमा झर्‍यो । यो नतिजापछि च्यासल पाँच अंकमा अन्तिम स्थानमा झरेको छ । फ्रेन्ड्सका लागि सुशील शाह र जमोल एन्थोनीले २/२ गेल गरे ।

अर्को १ गोल श्यामबाबु क्यापछाकीको नाममा रह्यो । ब्रिगेड ब्वाइजका लागि भने ड्यानी जुनियर र अनिल गुरुङले १/१ गोल गरे । अनिलले लिगमा गोल गरेको यो आठ वर्षयता पहिलो हो । उनले अन्तिम पटक ०७० को लिगमा गोल गरेका थिए ।

99

प्रतिक्रिया

खबर सबै

विष्णु पौडेल पक्राउविरुद्धको बन्दीप्रत्यक्षीकरण रिट खारेज

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU