पाल्पामा रूख ढलेर लाग्दा एक जनाको ज्यान गयो

पाल्पा । पाल्पामा बरको रूख ढलेर लाग्दा बिहीवार एक जनाको मृत्यु भएको छ।

मृत्यु हुनेमा तानसेन नगरपालिका वडा नम्बर १४ अर्गलीका ५० वर्षीय लक्षमणप्रसाद पाण्डे रहेका जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक रामेश्वर त्वातीले बताए।

आज बिहान तानसेन नगरपालिका(१३ छेर्लुङस्थित आफन्तको घरमा जाँदै गर्दा उनलाई कालीगण्डकी कोरिडोर नजिकै रहेको कुरुङ खोला तर्ने क्रममा एक्कासी माथिबाट बरको रूख ढलेर लागेको थियो।

करिब २० मिटर तल खोलामा बासको झ्याङमा अड्किएको अवस्थामा बिहान सवा ९ बजे तिर शव फेला परेको त्वातीले बताए। घटनाबारे थप अनुसन्धान भइरहेका प्रहरीले जनाएको छ।