बसको ठक्करबाट प्यूठानमा पैदलयात्रीको ज्यान गयो

प्यूठान । बसले ठक्कर दिँदा प्यूठानमा पैदलयात्रीको मृत्यु भएको छ ।

शनिवार दिउँसो १ बजे जिल्ला सदरमुकाम खलगांदेखि चुजाठाटी जाँदै गरेको ना ५ ख ५१९४ नम्बरको बसले ठक्कर दिँदा प्यूठान नगरपालिका–७ बड्डाडाका ५५ वर्षीय हुकुमे सार्कीको घटनास्थलमै मृत्यु भएको जिल्ला प्रहरी कार्यालय प्यूठानका प्रहरी प्रवक्ता देवीप्रसाद गैह्रेले जानकारी दिए ।

ठक्कर दिने बस र चालकलाई प्रहरीले नियन्त्रणमा लिएको छ । घटनाबारे छानबिन भइरहेको प्रहरीले जनाएको छ ।