लुम्बिनी प्रदेशमा निर्मलालाई सांसद बनाउन जसपाको सिफारिस

बुटवल ।
जनता समाजवादी पार्टी (जसपा) नेपालले निर्मला मुडभरी भट्टराईलाई लुम्बिनी प्रदेशसभा सदस्यमा मनोनीत गर्ने तयारी गरेको छ ।
समानुपातिक कोटमा सांसद बनेकी कल्पना पाण्डेलाई पदमुक्त गरेसँगै जसपाले समानुपातिक उम्मेदवारको बन्द सूचीमा रहेकी निर्मलालाई सांसद बनाउने तयारी गरेको हो । समानुपातिक उम्मेदवारको बन्दी सूचीमा रहेकी निर्मलालाई कल्पनाको स्थानमा सांसद बनाउने तयारी भइरहेको जसपाका लुम्बिनी प्रदेश अध्यक्ष अशोक यादवले बताए । जसपाको आधिकारिकता अध्यक्ष उपेन्द्र यादव समूहले पाएपछि बसेको केन्द्रीय कार्यकारिणी समितिको बैठकले मुख्यमन्त्री शंकर पोखरेल नेतृत्वको सरकारमा मन्त्री रहेकी पाण्डेलाई कारबाही गर्दै सांसदबाट पदमुक्त गरेको थियो ।
जसपाले उनीसहित पोखरेल नेतृत्वको सरकारमा सहभागी विजय यादव र सन्तोष पाण्डेयलाई पनि सांसदबाट पदमुक्त गरेको थियो । पदमुक्त भएकी पाण्डे समानुपातिक सांसद हुन् भने अन्य दुई जना प्रत्यक्ष निर्वाचित सांसद हुन् ।

91

प्रतिक्रिया

खबर सबै

श्रृङ्गीघाट सामुदायिक वनले दियाे अनुदानमा ई- रिक्सा,महिला उद्धमीलाई प्राेत्साहन

लुम्बिनी प्रदेश सबै

लुम्बिनी प्रदेशको बजेट बहुमतले पारित

साझा अपडेट

MENU