जसपा कपिलवस्तुद्धारा निर्वाचन आयोगको निर्णयको स्वागत

कपिलवस्तु ।
निर्वाचन आयोगले सोमबार जनता समाजवादी पार्टी नेपालको आधिकारीकता दावीमा अध्यक्ष उपेन्द्र यावद पक्षलाई आधिकारीकता प्रदान गरेपछि जसपा कपिलवस्तुले आयोगको निर्णयको स्वागत गरेको छ । जनता समाजवादी पार्टी नेपाल कपिलवस्तुका अध्यक्ष शैलेन्द्र कुमार यादवका अनुसार आयोगले सहि निर्णय गरेको छ ।
उपेन्द्र यादव र डा. बाबुराम भट्टराई पक्षका जसपा नेताहरुले निर्वाचन आयोगको आजको निर्णयको स्वागत गरी कपिलवस्तुको शुद्धोधन गाउँपालिका १ बगदीमा एक कार्यक्रमका साथ दिप प्रज्वलन समेत गरेका छन् । जिल्ला अध्यक्ष यादवको अगुवाईमा बगदीमा दिप प्रज्वलन गरीएको हो भने नेता कार्यक्रताहरुले एक आपसमा खुसीयाली साटासाट गर्दै मिठाइ समेत खुवाएर पार्टी आधिकारीकताको खुसी मनाएका छन् ।
जसपाका अध्यक्षद्वय यादव र महन्थ ठाकुर पक्षबीच आधिकारिकता सम्बन्धी विवाद भएपछि निर्वाचन आयोगले केन्द्रीय कार्यकारिणी समितिका सदस्यहरुलाई आयोगमै बोलाएर को कसको पक्षमा भनेर सनाखत गराएको थियो ।
५१ सदस्यीय कार्यकारिणी समितिमा ३४ जनाले उपेन्द्र यादव पक्षमा रहेको भनी हस्ताक्षर गरेका छन् । त्यस्तै महन्थ ठाकुर पक्षमा १६ र रेशम चौधरी भने तटस्थ बसेका हुन् ।

136

प्रतिक्रिया

खबर सबै

अमृते सामुदायिक वनको १७ औँ साधारणसभा : आयआर्जन र सामाजिक विकासलाई प्राथमिकता

लुम्बिनी प्रदेश सबै

लुम्बिनी प्रदेशमा भदाै २९ गते सार्वजनिक बिदा

साझा अपडेट

MENU