कपिलवस्तुको बाणगंगामा मंगलबार कोरोना बिरुद्धको खोप लगाइँदै

कपिलवस्तु

कपिलवस्तु जिल्लाको बाणगंगा नगरपालिकामा जेष्ठ २५ मंगलबार र जेष्ठ २६ गते बुधबार कोरोना खोप लगाइने भएको छ । नगरले आज एक सुचना निकाल्दै नगरभित्रका खास गरी ६२ देखि ६४ वर्षसम्मकालाई कोरोना विरुद्धको भेरोसेल खोप लगाइने जनाएको हो ।

मोतिपुर स्वास्थ्य चौकी र पिपरा अस्पतालमा गएर खोप लगाउन सकिने नगरपालिकाले जनाएको छ । नगरको वडा नम्बर ५,६,७,८ र ९ का मानिसहरुले मोतिपुर स्वास्थ्य चौकीबाट र वडा नम्बर १,२,३,४, १० र ११ का मानिसहरुले पिपरा अस्पतालबाट खोप लगाउन पाउने नगरका स्वास्थ्य प्रमुख ठगराज पौडेलले बताउनु भएको छ ।

खोप लगाउन आउँदा आफ्नो परिचय खुल्ने कागजात ल्याउन नगरले आग्रह गरेको छ ।

नगरमा भोलिदेखि लगाइने खोप चीन सरकारबाट अनुदानमा आएको हो।