क्याप्टेन लामाको टोलीले चीनबाट ल्यायो कोरोनाविरुद्धको ८ लाख डोज खोप

काठमाडौं

चीन सरकारले अनुदानस्वरुप प्रदान गरेको कोभिड-१९ विरुद्धको ८ लाख डोज खोप (भेरोसेल भ्याक्सि) काठमाडौं ल्याइएको छ ।

मंगलबार बेइजिङबाट क्याप्टेन विजय लामाको टोलीले ८ लाख डोज भ्याक्सिन ल्याएको हो । क्याप्टेन लामाको टोली सोमबार राति बेइजिङ उडेको थियो ।

केही समयअघि चीनका राष्ट्रपति सि चिनफिङ र नेपालका राष्ट्रपति विद्यादेवी भण्डारीबीच कुराकानीपश्चात् चीनले अनुदानस्वरुप १० लाख डोज प्रदान गर्ने भनेको थियो । त्यहीँ सम्झौँताअनुसार पहिलो चरणमा ८ लाख डोज खोप मंगलबार नेपाल ल्याइएको छ ।