अहिले नै माधव नेपाल समूहले धोका दियो भन्नु गलत : प्रचण्ड

काठमाडौं

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले अहिले नै माधव नेपाल समूहले धोका दियो भन्नु गलत हुने बताएका छन् । शुक्रबार संसद भवनमा कोरोना भाइरस (कोभिड–१९) विरुद्धको दोस्रो डोज खोप लगाएपछि पत्रकारसँग कुरा गर्दै प्रचण्डले यस्तो बताएका हुन् ।

प्रचण्डले नेपाल समूह संविधान र लोकतन्त्रको पक्षमा संघर्षमै रहेको उल्लेख गर्दै माधव नेपालहरुसँग एक ठाउँमा फेरि भेट हुनेसमेत बताए । एक पत्रकारको जिज्ञासामा उनले संविधानको धारा ७६ (५)मा मा पनि भेट हुनसक्ने बताए ।

‘माधवजीसँग अहिले भर्खर पनि कुरा गर्दै थियौँ । उहाँहरु आफैं संविधान र लोकतन्त्रको पक्षमा संघर्ष गर्दै हुनुहुन्छ । अहिले नै धोका दिनुभयो भन्नु बढी हुन्छ’, प्रचण्डले भने, ‘सत्यको पक्षमा, लोकतन्त्रको पक्षमा र संविधानको पक्षमा उहाँहरू संघर्ष अगाडि बढाउनुहुन्छ । एक ठाउँमा हाम्रो फेरि पनि भेट हुन्छ ।’

प्रचण्डले संवैधानिक ढंगले हुने निर्वाचनमा जान पार्टी तयार रहेकोसमेत प्रष्ट पारेका छन् ।  ‘संविधान विरोधी ढंगले काम भयो भने मात्र हाम्रो कन्सन्र्ट हुने हो’, उनले भने, ‘संवैधानिक ढंगले हुने निर्वाचनमा जानका लागि हाम्रो पार्टी जहिले पनि तयार छ ।’

108

प्रतिक्रिया

खबर सबै

लुम्बिनी शीर्ष स्थानमा उक्लियो, पोखरा आठ विकेटले पराजित

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU