जनता ‘मारेर’ कसरी बस्न सकेको सरकार ? : नारायणकाजी

काठमाडौं

माओवादी केन्द्रका नेता नारायणकाजी श्रेष्ठले कोरोनो उपचार तथा रोकथाममा सरकार गैरजिम्मेवार र नालायक बन्दा महामारीबाट जनतालाई बचाउन सबैले आ–आफ्नो क्षेत्रबाट पहलकदमी गर्नुपर्ने बताएका छन् ।

नेता श्रेष्ठले बिहीबार बिहान सामाजिक सञ्जालमा आईसीयू र भेन्टिलेटरको कुरा छाडौँ,अक्सिजन नपाएर कोभिड बिरामी हेर्दाहेर्दै मरिरहेपनि सरकार टुलुटुलु हेरेर बसेको बताएका हुन् । उनले सरकारले गर्न सक्ने काम समेत नगरी जनता मारेर सरकार कसरी बस्न सकेको भनेर प्रश्न समेत गरेका छन् ।

‘राजधानीका कतिपय ठूला अस्पतालहरुले भर्ना भइ उपचाररत कोभिड बिरामी लाई अक्सिजनको अभावका कारण उपचार गर्न नसकिने भन्दै अस्पतालबाट बाहिर पठाइरहेका छन् भने कतिपय अस्पतालले अव कोभिड बिरामी भर्ना गर्न नसकिने सूचना सार्वजनिक गरेका छन्’,श्रेष्ठले भनेका छन्, ‘बुटवललगायतका अस्पतालहरुले आधा घण्टा अक्सिजन बन्द भएकाले केही बिरामीहरुको  मृत्यु भएको कुरा बताएका छन् भने हिजो मात्र कोभिड महामारीबाट जनतालाई बचाउन रातदिन नभनी खटिरहनु भएका ट्रमा सेन्टरका डाइरेक्टर डा. सन्तोषले समेत अक्सिजनको अभावमा बिरामीको ज्यान गइरहेको भन्दै अक्सिजनको लागि हारगुहार गर्नुभएको छ ।’

उनले ‘यसरी गर्न सक्ने काम पनि नगरी जनता ‘मारेर’ बस्न कसरी सकेको छ सरकार ?’ भनेर प्रश्न गरेका छन् ।

साथै अग्रपंक्तिमा खटिरहेका चिकित्सक ,नर्स र स्वास्थ्यकर्मीहरुको असाधारण नमुना योग्य कामको सम्मान र अनुसरण गर्दै महामारीबाट जनता बचाउन आ–आफ्नो ठाँउबाट जे–जे गर्न सकिन्छ ,सबै लाग्न आह्वान समेत गरेका छन् ।

97

प्रतिक्रिया

खबर सबै

लुम्बिनी शीर्ष स्थानमा उक्लियो, पोखरा आठ विकेटले पराजित

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU