गल्ती आफूले गरेर दोष अरूलाई थुपार्न पाइँदैन, याे सरकार पूर्ण असफल छ : देउवा

काठमाण्डौ

नेपाली कांग्रेसका सभापति शेरबहादुर देउवाले अरूमाथि दोष थोपरेर प्रधानमन्त्री केपी शर्मा ओली भाग्न नपाउने बताउनुभएको छ । अहिलेको अवस्था आउनुको एकमात्र कारण केपी शर्मा ओली रहेको भन्दै सभापति देउवाले दोष र गुनासो थोपरेर प्रधानमन्त्री ओली भाग्न नपाउने बताउनुभएकाे हाे ।

साेमवारकाे प्रतिनिधि सभाकाे बैठकमा बाेल्दै उहाँले मानिस जिम्मेवारीबाट भाग्न सक्ने तर आफैँबाट भाग्न नसक्ने भन्दै उहाँले एक पटक छातीमा हात राखेर मनन गर्न आग्रह गर्नुभयो ।

देश र नागरिकका लागि काम गर्न प्रधानमन्त्री ओलीलाई कसैले नरोकेको भन्दै उहाँले सरकारले कोरोना रोकथाममा कुनै काम गर्न नसकेको बताउनुभयो । नेपाली कांग्रेसले सरकारलाई काम गर्न हरेक अवस्थामा सहयोग गर्न तयार रहेको भए पनि प्रधानमन्त्री केपी शर्मा ओलीले असंवैधानिक काम गर्दै अघि बढेको बताउनुभयो ।

प्रतिनिधि सभा विघटन गरेर केपी शर्मा ओलीले असंवैधानिक काम गरेको भन्दै सभापति देउवाले सर्वोच्चको फैसलापछि नै नैतिकताको आधारमा राजीनामा दिनुपर्ने भए पनि त्यसो नगरेको बताउनुभयो । राज्यको महत्त्वपूर्ण वा सरकारका विभाग आपूमार्फत राख्ने प्रवृत्ति प्रधानमन्त्री ओलीले अघि बढाएको समेत उहाँले आराेप लगाउनुभयाे ।

149

प्रतिक्रिया

खबर सबै

लुम्बिनी शीर्ष स्थानमा उक्लियो, पोखरा आठ विकेटले पराजित

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU