कोरोनाको कारण कपिलवस्तु बाणगंगा वडा ६ का ३२ बर्षका पुरुषको मृत्यु

कपिलवस्तु

कोरोना संक्रमणको कारण बाणगंगा नगरपालिकामा थप एक जनाको मृत्यु भएको छ । वडा ६ भगलापुरका ३२ बर्षका पुरुषको घरमै मृत्यु भएको नगरको स्वास्थय शाखाले पुष्टि गरेको छ ।

स्वास्थ्य शाखाप्रमुख ठगराज पौडेलका अनुसार मृत्यु हुने ब्यक्ति भारतबाट आएका हुन् ।

एकदिन अगाडि कोरोना टेस्ट गर्दा उनमा कोरोना पोजेटिभ रिपोर्ट आएको पारिवारिक श्रोतले जनाएको छ । शनिवार रातिदेखि छाती दुख्ने अनि स्वासप्रस्वासमा समस्या देखिएपछी उनलाइ कपिलवस्तु अस्पताल लगिएको र त्यहाँ उपचार सम्भव नभए पछि बुटवल लैजाने क्रममा बिरामिको मृत्युु भएको परिवारले जानकारी दिएको छ ।

उनको अहिले दाहसंस्कारको तयारी छ । बुटवल पुगेर चेक गरेपछि कोरोना संक्रमण पुष्टि भएको थियो । अहिले दाहसंस्कारको तयारी भएको छ । यो संगै नगरमा कोरोनाको दोश्रो लहरमा ज्यान जानेको संख्या ७ पुगेको छ ।