कपिलवस्तुमा एकैदिन दुई कोरोना संक्रमितको मृत्यु

कपिलवस्तु । कोरोना संक्रमणका कारण भारतसँग खुल्ला सिमाना रहेको कपिलवस्तुमा मंगलवार मात्र २ जनाको मृत्यु भएको छ ।

मृतक दुवै पुरुष बाणगँगा र बुद्धभुमी नगरपालिका निवासी रहेका छन् । कोरोना माहामारीको दोस्रो लहर फैलिएसँग एक सातामा माात्र ज्यान जानेको सङ्ख्या ७ पुगेको छ भने सक्रिय संक्रमित १ सय ९२ भन्दा बढी रहेको कपिलवस्तुका प्रमुख जिल्ला अधिकारी चक्रपाणी पाण्डेले जानकारी दिए ।

भारतका विभिन्न ठाउँमा कोरोना संक्रमितको संख्या बढ्दै गएपछि रोजगारीका लागी पुगेकाहरु नेपाल फर्कने क्रमसँगै संक्रमितको सँख्या बढेको स्वास्थ्यका अधिकारी बताउँछन् । सक्रिय संक्रमितको जिल्लाका विभिन्न स्वास्थ्य संस्थाका साथै बुटवलमा उपचार भैरहेको जनाइएको छ ।