पाँच दिनका लागि रेसुङ्गा नगरपालिका भित्रका विद्यालय बन्द

गोकर्ण पाण्डे/गुल्मी

गुल्मी रेसुङ्गा नगरपालिका भित्रका विद्यालय पाँच दिनका लागि बन्द हुने भएका छन्।
कोभिड–१९ को संक्रमण विद्यालयस्तरमा फैलन सक्ने जोखिमलाई मध्यनजर गर्दै यस नगरपालिका अन्र्तगतका सबै विद्यालय बन्द गर्ने निर्णय भएको शिक्षा शाखा प्रमुख विष्णुप्रसाद ज्ञवालीले जानकारी दिनुभयो।
बैशाख १३ देखी १७ गते सम्म रेसुङ्गा नगरपालिका अन्तर्गत सञ्चालित सबै विद्यालयको प्रशासनिक तथा पठनपाठन कार्य बन्द गर्ने गराउने निर्णय गरिएकाले सोही अनुसार गर्नु गराउनुहुन निर्देशन गरिएको शिक्षा शाखा अधिकृत ज्ञवालीले बताउनु भयाे।

नगरपालिका भित्र परीक्षा संचालन गर्न विद्यालयका प्रधानध्यापकले सुझाव दिएपनि संक्रमण बढी रहेकाले परीक्षा संचालन गर्न नसकिएको ज्ञवालीले बताए । १७ गते पछि संक्रमणको अवस्था हेरेर परीक्षा संचालन गर्ने कि नगर्ने भने विषयमा छलफल हुने उहाँले जानकारी दिनु भयाे।