फौजी किरा नियन्त्रण गर्न किसानलाई निःशुल्क विषादी वितरण

बाँके । प्रधानमन्त्री कृषि आधुनिकीकरण परियोजना परियोजना कार्यान्वयन इकाई बाँकेले मकैमा लाग्ने फौजी किरा व्यवस्थापनका लागि निःशुल्क विषादी वितरण गरेको छ । बाँकेको डुडुवा गाउँपालिका ६ हिर्मिनियामा सोमबार १८० किसानलाई मकैमा लाग्ने फौजी किरा व्यवस्थापनका लागि विषादी वितरण गरेको परियोजना कार्यान्वयन इकाई बाँकेका प्रमुख कफिल अहमदले बताए ।

नेपालगन्ज उपमहानगरपालिकाको अरू वडामा पनि फौजी किरा व्यवस्थापनका लागि विषादी वितरण गरिने कार्यक्रम रहेको छ । उपमहानगरपालिका र डुडुवा गाउँपालिका भित्रका फौजी किराको प्रकोप देखिएको ११ वडामा विषादी वितरण गर्ने कार्यक्रम रहेको उनले बताए ।

अहिले उपमहानगरपालिका र गाउँपालिका भित्र प्रकोप भर्खर भर्खर सुरु भएको पनि उनी बताउँछन् । ‘यहाँ त्यति धेरै प्रकोपको रूपमा किरा फैलिएको छैन । सुरुवाती अवस्थामा छ’ उनले भने,‘किसान आफैले पनि विषादी ल्याएर हानी रहनु भएको छ । सुरुमै सावधानी अपनायौ भने यो किराले व्यापक क्षती गर्दैन भन्ने लाग्छ ।’

नेपालगन्ज उपमहानगरपालिका र डुडुवा गाउँपालिका भित्र ७ सय ३५ हेक्टर क्षेत्रफलमा मकै खेती गरिएको छ ।

107