छिट्टै नयाँ सरकार बन्ने प्रचण्डको दावी

राजेन्द्र खनाल/कपिलवस्तु

नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल प्रचण्डले नेपाली कांग्रेसको पछिल्लो निर्णयका कारण नेपाली राजनीतिले नयाँ मोड लिएको बताएका छन् । उनले शनिबार कपिलवस्तुको तौलिहवामा आयोजित कार्यक्रता प्रशिक्षण कार्यक्रमलाई सम्वोधन गर्दै अब छिट्टै नयाँ सरकार गठनका विषयमा छलफल हुने र त्यसको पहलका लागि आफुले राम्रो भुमिका खेल्लने पनि दावी गरे ।

हिन्दी भाषमा कार्यक्रमलाई सम्बोधन गर्न पुगेको प्रचण्डले तराई मधेशका जनताको लामो समयको संघर्ष मेहेनत र बलिदान पछि मात्र नेपालमा संघिय लोकतान्त्रिक गणतन्त्र स्थापना भएको बताए । ७० वर्ष पहिले देखि उठिरहेको संविधान सभाबाट नेपालको संविधान बनाउने सपना पनि मधेशका जनताको योगदानबाटै सम्भव भएको बताए । त्यसका लागि माओवादी पार्टीको अध्यक्षका हैसियतले आफुले त्यसको मुख्य भुमिका निर्वाह गरेको दावी पनि गरे । मधेशका जनताहरुको अधिकार सुनिश्चित गर्दै संविधानलाई कार्यान्वयन गर्ने र आदिवासी, जनजाती, मधेसी महिला, मुस्लिामहरुको अधिकार प्रत्याभुत हुने गरी काम गर्ने योजनाका साथ नेपालको संविधान जारी गरिएको भए पनि देशका पुराना शासक वर्गहरु त्यसबट रुष्ट भएको बताए ।

आफैले प्रधानमन्त्रीमा प्रस्ताव गरेका प्रधानमन्त्री केपी ओली नै अहिले संविधानको उल्लङ्घन र जनताका भावना विपरित लागेको प्रचण्डले आरोप लगाएका छन् । पार्टी एकता र ओलीलाई प्रधानमन्त्री बनाउन आफुले प्रस्ताव गरेको भए पनि अहिले उनी अहिले दुश्मनको एजेण्टको रुपमा काम गर्न पुगेको बताए । ओलीको षड्यन्त्रका कारण प्रतिनिधि सभा विघटन भएको बताउँदै देशलाई प्रतिक्रान्तिको दिशामा धकल्न खोज्ने ओलीको कदमलाई परास्त गर्न प्रचण्डले कार्यक्रताहरुलाई निर्देशन दिए ।

यसैबिच उनले प्रतिगामी कदमका बिरुद्ध अझै एक पटक जनताका बिचमा पुगेर लड्नुपर्ने आवश्यकता पनि औल्याएका छन् । नेपालका जनताको अधिकार र पहिचानको बिरुद्ध लाग्ने शक्तिहरुलाई परास्त गर्नुपर्ने प्रचण्डको भनाई छ । अब बन्ने सरकारमा माओवादी केन्द्रको नेतृत्वदायी भुमिका रहने उनले दावी गरेका छन् । अबको केही दिनमा नयाँ सरकार बन्ने भन्दै प्रचण्डले मधेशका जनताको हक अधिकारका बिरुद्ध लाग्ने राजनितिक शक्ति बिरुद्ध प्रतिवाद गर्न पनि आफ्ना कार्यक्रताहरुलाई निर्देशन दिएका छन् । समानताको लडाईलाई अगाडी बढाउन पनि उनले आग्रह गरेका छन्। भारत सँगको खुल्ला सीमा नाकाका कारण मधेशका जनताले भोग्नुपरेको समस्या समाधान गर्न आफुले प्रयास गर्ने प्रचण्डले प्रतिवद्धता जनाएका छन्।