जुट्न थाल्यो भलवाडका सागर थारुको उपचारमा सहयोग

भलवाड ।
कपिलवस्तुको वाणगंगा नगरपालिका वडा नम्बर ९ भलवाडका सागर थारुको रकम अभावका कारण उपचार हुन नसके पछि सहयोगका लागि अपिल गरिएको छ ।
टाउकोमा पानी जमेका कारण युनिभर्सल मेडिकल कलेज भैरहवाको आइसियु बेडमा उपचाररत वाणगंगा ९ जिनुवाका २६ वर्षीय थारुको उपचारमा रकम अभाव भए पछि परिवारले सहयोगका लागि आग्रह गरेका छन् । परिवारको आग्रह पछि उनको उपचारका लागि सहयोग रकम समेत जुट्न थालेको छ ।
माघ ३ गतेदेखि पैसा अभावका कारण मृत्युुसँग अचेत अवस्थामा लडिरहेका थारुको उपचारमा सहयोग होस भन्दै संचारकर्मी बाबुराम रायमाझि सहित विभिन्न संचार माध्यमले समाचार प्रकाशन र प्रसारण गरे सँगै रकम जुट्न थालेको छ ।
टाउकोमा पानी जमेको र शल्यक्रिया गर्दा २ लाख रुपैँया खर्च हुने अस्पतालले भने पछि परिवारले सो पैसा जुटाउन नसक्दा समस्या परेको थियो । समाचारको प्रभावले रुपन्देही बुटवल स्थित मेचिकाली रास्ट्रिय दैनिकका प्रधान सम्पादक बसन्तराज खनालले रु. १० हजार रुपैँया रायमाझी मार्फत सहयोग प्रदान गरनु भएको छ भने भलवाड स्वास्थ चौकीका स्टाफहरु समेतको गरि रु ५ हजार स्वस्थ चौकी प्रमुख जित बिकास रायमाझीले बिरामीको परिबारलाई प्रदान गर्नु भएको छ ।

त्यस्तै अन्य क्षेत्रबाट पनि सहयोगका लागि रायमाझीले आग्रह पनि गर्नुभएको छ । रकम अभावकै कारण कसैको पनि ज्यान नजावस भन्नका लागि सहयोग रकम जुटाउन लागिएको पनि उहाँले बताउनुभयो ।
आफ्नो छोराको ज्यान बचाईदिन सागर थारुका परिवारजनले सबैसँग आग्रह पनि गरेका छन् ।

86

प्रतिक्रिया

खबर सबै

खैरेनीचाैर सामुदायिक बनकाे नि:शुल्क स्वास्थ्य शिविर, चारसय बढीले लिए सेवा

लुम्बिनी प्रदेश सबै

बजेटमा लुम्बिनी प्रदेश : सडक र सिँचाइ क्षेत्रलाई प्राथमिकता

साझा अपडेट

MENU