गजेहडा खानेपानी उपभोक्ता समितिको तेस्रो साधारणसभा सम्पन्न

सागर पौडेल
कपिलवस्तु ।
गजेहडा खानेपानी उपभोक्ता तथा सरसफाई समितिको तेश्रो वार्षिक साधारण सभा मंगलबार सम्पन्न भएको छ । संस्थाको साधारण सभा कार्यक्रमलाई सम्बोधन गर्दै लुम्बिनी प्रदेश सभा सदस्य विष्णु पन्थीले प्रदेश सरकारले एक घर एक धारा अभियानका साथ प्रदेशभरका जनताको घरमा खानेपानीको योजना अगाडी सारिरहेको बेला संस्थाले सरकारले गर्ने काम गरेको बताउनुभएको छ ।
हाल गजेहडा खानेपानी उपभोक्ता समितिले आफ्नै लागतमा झण्डै १ हजार ५ सय घर धुरीलाई स्वच्त पिउने पानी प्रदान गरिरहेको छ । समितिका सचिव बुद्ध शाहीले वार्षिक प्रगती प्रतिवेदन तथा कोषाध्यक्ष नमुना पौडेलले आर्थिक प्रतिवेदन प्रस्तुत गर्नुभएको थियो । समितिले दुर्घटनामा परी घाइते भएका पूर्व कर्मचारी बलदेव चौधरी नगद सहित सम्मान पनि गरेको छ ।
त्यस्तै कार्यक्रममा वाणगंगा नगरपालिकाका नगर प्रमुख मंगल प्रसाद थारुले नगरवासीलाई शुद्ध खानेपानी पु¥याउन नगरपालिकाले समेत विभिन्न योजना बनाईरहेको बताउनुभयो । उहाँले नगरपालिकालाई स्वच्छ पिउने पानीको प्रयाप्तता भएको नगरको रुपमा विकास गरीने पनि बताउनुभयो ।
समितिका अध्यक्ष राजकुमार खाँणले समितिको योजना साकार पार्ने हाल बजेट अभाव भएको बताउनुभएको छ । उहाँले राज्यका विभिन्न निकायहरुले सहयोग गरे गजेहडा खानेपानी उपभोक्ता समितिले पिउने पानीको प्रयाप्तता गराउन सक्ने पनि बताउनुभएको छ ।

101

प्रतिक्रिया

खबर सबै

खैरेनीचाैर सामुदायिक बनकाे नि:शुल्क स्वास्थ्य शिविर, चारसय बढीले लिए सेवा

लुम्बिनी प्रदेश सबै

बजेटमा लुम्बिनी प्रदेश : सडक र सिँचाइ क्षेत्रलाई प्राथमिकता

साझा अपडेट

MENU