सुरु भयो राष्ट्रियसभाको बैठक

पुष, १७ काठमाडौँ ।
पुस ५ गते प्रतिनिधि सभा विघटन भएपछिको पहिलो राष्ट्रिय सभा बैठक सुरु भएको छ । बानेश्वरस्थित राष्ट्रिय सभाको हलमा बैठक सुरु भएको हो।

आजको बैठकमा अधिवेशन अन्त्य भएपछि हालसम्म निधन भएका संघीय संसदका सदस्य तथा पूर्वसांसदहरुप्रति श्रद्धाञ्जली व्यक्त गर्दै शोक प्रस्ताव पारित गर्ने कार्यसूची पनि छ । त्यस्तै, अधिवेशन आह्वानसम्बन्धी राष्ट्रपतिको पत्र, मन्त्रिपरिषद् पुनर्गठन सम्बन्धी राष्ट्रपति कार्यालयबाट प्राप्त पत्र र केही अध्यादेशहरु पनि पहिलो बैठकका कार्यसूची छन् ।

प्रतिनिधि सभा विघटन भएपछि असन्तुष्ट बनेका नेकपाको प्रचण्ड–नेपाल समूह, नेपाली कांग्रेस लगायतका दलहरुले विरोध गरिरहेको बेला सुरु भएको राष्ट्रिय सभा बैठकमा के होला भन्ने चासोको विषय बनेको छ ।