बुटवलको कोरोना अस्पतालको आईसियुबाट भागे कोरोना संक्रमित

लुम्बिनी प्रादेशिक अस्पतालद्वारा संचालित बुटवल धागो कारखानास्थित कोरोनो विशेष अस्पतालको आईसियुमा रहेका विरामी भागेका छन ।

अस्पताल स्रोतका अनुसार गत बुधबार अस्पताल भर्ना भएकाबुनी आइतबार विहान ५ बजे अस्पताल परिषरबाट भागेका हुन । बुटवल उपमहानगर १३ बेल्बासका ५५ बर्षिय पुरुष अस्पतालबाट भागेका हुन् ।

आइतबार बिहान परिवारले बिरामीसँग सम्पर्क गर्न खोज्दा अस्पतालमा बिरामी नभएको बिरामीकी श्रीमतीले जानकारी दिइन् ।उनले भनिन, ‘अहिले बिरामीको फोन अफ छ, कहाँ छन् पत्तो छैन ,खोजी गर्नुपर्‍यो । अस्पतालकै लापरवाहीले गर्दा हो ।’उता अस्पताल प्रशासनले पिसाब फेर्न भनेर शौचालय गएका विरामी भागेको बताएको छ ।

अस्पतालका फोकल पर्सन डा. सुदर्शन थापाले भने, ‘हिजो साँझ घर जान्छु भन्नुभएको थियो । आज बिहान ६ बजेतिर पिसाब फेर्न शौचालय जान्नु भनेर निस्कनुभएको थियो ,भाग्नुभएछ । हामी खोजी गरिरहेका छौं ।’ याे घटनाले अस्पतालको प्रशासन र ब्यबस्थापन कस्ताे रहेछ भन्ने प्रश्न समेत उठेको छ ।