भ्रमणबाट बाहिर चोटग्रस्त इमाम न्युजिल्याण्ड

काठमाडौं, पुस १२

पाकिस्तानी टिमका ब्याट्सम्यान इमाम उल हकले चोट बोकेका छन् ।

अभ्यासको दौरान इमामले चोट बोक्दै न्युजिल्याण्ड भ्रमणबाट बाहिरिएका छन् । उनी आईतबार स्वदेश फर्कने कार्यक्रम रहेको छ । इमामको बायाँ हातको औलामा चोट लागेको हो ।

औलामा गम्भिर चोट लागेपछि न्युजिल्याण्डविरुद्धको अघिल्लो टेष्ट म्याचबाट उनी बाहिर रहनेछन् ।दक्षिण अफ्रिकाविरुद्ध घरेलु मैदानमा हुने सिरिज अघि इमामले आराम गर्ने र पाकिस्तान फर्कने जनाईएको छ । दक्षिण अफ्रिकाविरुद्ध पाकिस्तानको सिरिज जनवरी २६ बाट सुरु हुनेछ ।

न्युजिल्याण्डको अभ्यास सत्रमा उनले औलामा गम्भिर चोट बोकेका छन् ।

बाबर आजमलाई समेत चोट लागेको देखिएको थियो । तर उनी निको हुँदै नेटमा अभ्यास गरिरहेका छन् । तर न्युजिल्याण्डविरद्ध उनले खेल्ने विषय पक्का भईसकेको छैन ।
पूर्ण रुपमा निको भएपछि उनी खेल्ने जनाईएको छ ।

न्युजिल्याण्ड र पाकिस्तानबीचको दोस्रो तथा अन्तिम टेष्ट जनवरी २ मा खेलिनेछ ।