प्रतिनिधिसभा बैठक बोलाउ : जसपा

काठमाडौं, पुस ९

जनता समाजवादी पार्टीका शीर्ष नेताले सभामुख अग्निप्रसाद सापकोटालाई भेटेर प्रतिनिधिसभा बैठक बोलाउन माग गरेका छन्।

प्रधानमन्त्रीलाई प्रतिनिधिसभा विघटनको अधिकार संविधानले नदिएको उल्लेख गर्दै जसपाका नेताहरूले संसद जीवितै रहेको बताएका छन्।

प्रधानमन्त्री केपी शर्मा ओलीले गत आइतबार प्रतिनिधिसभा विघटन गरेका थिए।

उक्त कदमको नेकपासहित अरू दलहरूले विरोध गरिराखेका छन्। प्रतिनिधिसभा विघटनबारे सर्वोच्चमा पनि रिट परेको छ।

प्रधानमन्त्रीका कदम असंवैधानिक भन्दै जसपाले आन्दोलन गरिराखेको छ।

जसपाका अध्यक्ष बाबुराम भट्टराई, उपेन्द्र यादव र लक्ष्मणलाल कर्णले बिहीबार सिंहदरबारमा सभामुख सापकोटालाई भेटेर संसद बैठक राख्न माग गरेका हुन्।

‘सभामुखलाई शीर्ष नेताहरूले भेटेर संसद बैठक आह्वान गर्न आग्रह गर्नुभएको छ,’ पाण्डेले भने।

106

प्रतिक्रिया