वाणगंगामा सुरु भयो लैङ्गिक हिंसा विरुद्धको १६ दिने अभियान

मंसीर १० कपिलवस्तु
लैङ्गिक हिंसा विरुद्धको १६ दिने अभियान आज देखि कपिलवस्तुको वाणगंगामा औपचारिक सुरु गरिएको छ ।
अन्र्तराष्ट्रिय लैङिगक दिवसको अवसरमा वाणगंगा नगरपालिकाले आज देखि आगामी २५ गतेसम्म “लैङ्गिक हिंसा अन्त्यको प्रतिवद्धता : व्यक्ति समाज र सबैको ऐक्यवद्धता″ भन्ने राष्ट्रिय नारा सहित जितपुर चोकमा दिप प्रज्वलन गरी अभियान सुरु गरेको हो ।


मंसिर ९ गते बसेको बैठकको निणर्यअनुसार लैङ्गिक हिंसा निवारण कोष खडा गर्ने नगरपालकाले जनाएको छ । त्यस्तै १६ दिने अभियानलाई सफल पार्न विभिन्न कार्यक्रमहरु तय गरेको महिला तथा बालबालिका शाखाले जानकारी दिएको छ । १६ दिनसम्म नगरपालिकाले विभिन्न स्थानमा कार्यक्रमको आयोजना गरी अभियान संचालन गर्ने तयारी पनि गरेको छ ।
अभियानको पहिलो दिन नगर प्रमुख मंगलप्रसाद थारुले वाणगंगा नगरपालिकालाई लैङिगक हिंसा न्यूनीकरण गर्नका लागि जनचेतानमूलक कार्यक्रम संचालन गर्ने र विभिन्न समुदायलाई सचेत बनाइने बताए । उनले महिला तथा बालबालिका माथि हुने विभिन्न हिंसालाई कम गर्नका लागि नगरपालिका प्रतबद्ध रहेको बताए ।
कार्यक्रममा प्रमुख प्रशासकीय अधिकृत गेहेन्द्र बहादुर डाँगीले विभिन्न प्रकारका हिंसाहरुलाई न्यूनिकरण गर्न एक व्यक्तिले मात्रै नसक्ने हुँदा यसको लागि समाज र राष्ट्रले विशेष पहल गर्नुपर्ने बताए । यस्तै नगरपालकाका शिक्षा शाखा प्रमुख बाबुराम भट्टराईले हरेक क्षेत्रबाट लैंगिक हिंसाको अन्त्य गर्न पहल गर्नुपर्ने बताए ।
नगर उपप्रमुख चक्रपाणी अर्यालको अध्यक्षता रहेको कार्यक्रममा नगरप्रमुख मंगलप्रसाद थारुको प्रमुख आतिथ्यता रहेको थियो । यस्तै कार्यक्रममा वडा नं ४ का वडा अध्यक्ष गणेशबहादुर क्षेत्री, वडा नं ५का वडा अधयक्ष तथा सामाजिक विकास समितिका सभापति भिष्मराज भुसाल लगाएतको आतिथ्यता रहेको थियो ।
कार्यक्रम वडा नं १ का वडा अध्यक्ष तथा महिला तथा बालबालिका समिति संयोजक बालकुमारी पन्त अधिकारीको स्वागत तथा महिला तथा बालबालिका शाखा प्रमुख शुसिला पन्थको संचालनमा सम्पन्न भएको थियो ।

153

प्रतिक्रिया

खबर सबै

कपिलवस्तुमा तिन छठ्ठी पर्व मनाइँदै    

लुम्बिनी प्रदेश सबै

दैवीप्रकोप उद्धार कोषमा लुम्बिनी सरकारको तीन करोड सहयोग

साझा अपडेट

MENU