मिसेस नेपालका लागि आवेदन खुला

असोज २९ काठमाडौं ।
विवाहित महिलाहरुको सौन्दर्य प्रतियोगिताको आवेदन खुला गरिएको छ । इप्लानेटले नियमित आयोजना गर्दै आएको उक्त सौन्दर्य प्रतियोगिता ‘मिसेस नेपाल २०२०’को आवेदन खुला भएको हो ।

आयोजनक इप्लानेट प्रालिले विज्ञप्ती जारी गर्दै प्रतियोगिताका लागि आवेदन खुला भएको जनाएको हो । ग्रिन आर्ट्स नेपालको संयोजन रहने प्रतियोगिताको यो वर्ष कोभिड १९ को महामारीलाई ध्यानमा राखेर अनलाइन तथा अफलाइन दुबै माध्यमबाट आवेदन दिनसक्ने ब्यवस्था गरिएको छ ।
प्रतियोगिताका लागि आवेदन प्राप्त ब्यक्ति मध्य पनि आन्तरिक छनोटमा परेका उत्कृष्ट प्रतियोगीलाई मात्र ‘मिसेस युनिभर्स २०१९’ प्रशिक्षण प्रदान गरिनेछ ।

२१ वर्षदेखि ५५ वर्ष उमेर बिचका विवाहित नेपाली महिलाले मात्र प्रतियोगितामा सहभागिता जनाउन पाउनेछन् ।

गृहिणी जीवन बिताइरहेका महिलालाई सौन्दर्यता बाहेक सामाजिक क्रियाकलापदेखि आफ्नो व्यक्तित्व विकास गराउनेसम्मका काममा सक्रिय सहभागिता जनाउने अवसर प्रदान गर्न प्रतियोगिता आयोजना गर्न लागेको आयोजक संस्था इप्लानेटका अध्यक्ष सन्तोष सापकोटाले जानकारी दिए ।

128